លីគប៊ែលហ្សិក អាចនឹងជាលីគដំបូងគេដែលលុបចោលការប្រកួតដោយសារ Covid-19 ខណៈជើងឯកបានទៅលើ…..

ប៊ែលហ្សិក៖ ការប្រកួតក្របខណ្ឌលីគកំពូលប៊ែលហ្សិក Belgian Pro League គ្រោងនឹងក្លាយជាលីគបាល់ទាត់ដំបូងគេនៅក្នុងតំបន់អឺរ៉ុបដែលបានប្រកាសរំសាយចោលដោយសារការរាតត្បាតនៃជំងឺផ្លូវដង្ហើមប្រភេទថ្មីកូរ៉ូណា (Covid-19)។

ចំពោះតំណែងជើងឯកបានទៅលើក្រុមដែលកំពុងឈរកំពូលតារាងបច្ចុប្បន្នគឺ Club Brugge ដែលដាច់ពិន្ទុពីក្រុមឈរនៅចំណាត់ថ្នាក់លេខ២ Gent ដល់ទៅ១៥ពិន្ទុ។

ក្រុមប្រឹក្សាភិបាលជាន់ខ្ពស់នៃក្របខណ្ឌ Belgian Pro League បានធ្វើការសម្រេចចិត្ត និងបានប្រកាសដល់សមាជិកទាំងអស់ ដោយរង់ចាំតែការឯកភាពពីអង្គសន្និបាតជាផ្លូវការតែប៉ុណ្ណោះ។

នៅថ្ងៃទី១៥ ខែមេសា នឹងមានការសម្រេចជាផ្លូវការចំពោះបញ្ហាក្រុមណាដែលណានឹងត្រូវធ្លាក់ទៅលេងនៅលីគទីពីរ និងក្រុមណាដែលនឹងឡើងមកលេងនៅលីគកំពូល សម្រាប់រដូវកាលក្រោយ៕

ប្រភព៖ BBC