អាហ្សង់ទីន៖ កាលពីថ្ងៃអាទិត្យទី២៩ ខែមីនាកន្លងទៅនេះ បុរសម្នាក់ មិនបញ្ចេញឈ្មោះ វ័យ៥២ឆ្នាំ មានអាជីពជាអ្នកសម្ដែងក្នុងពិធីជប់លៀងរបស់ក្មេងៗ បានស្លៀកពាក់ជាតុក្កតាដាយណូស័រ លួចចេញពីផ្ទះ ដើម្បីទៅជួបនឹងមិត្តស្រី បន្ទាប់ពីរដ្ឋាភិបាលដាក់បម្រាមឲ្យពលរដ្ឋសំងំនៅតែក្នុងផ្ទះ ដើម្បីទប់ស្កាត់ការរីករាលដាលនៃវីរុសកូវីដ-១៩។ ហើយគាត់ក៏ត្រូវបានប៉ូលិស នៅក្នុងរដ្ឋធានី Buenos Aires នៃប្រទេសអាហ្សង់ទីន ស្ទាក់ចាប់បានតែម្ដង ខណៈពេលគាត់កំពុងជិះម៉ូតូនៅវេលាម៉ោង៦:០០ល្ងាច។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដំបូងឡើយ បុរសខាងលើនេះ បានកុហកប៉ូលិសថា គាត់កំពុងធ្វើដំណើរទៅកាន់ពិធីជប់លៀងមួយដែលនៅទីប្រជុំជន Capitán Sarmiento។ តែក្រោយមក ក៏សារភាពតាមត្រង់ថា គាត់កំពុងធ្វើដំណើរទៅជួបមិត្តស្រី។
យ៉ាងណាមិញ បុរសនោះ ត្រូវបានឃាត់ខ្លួនពីបទមិនមានឯកសារចុះបញ្ជីម៉ូតូ ហើយឈ្មោះរបស់ក៏ត្រូវបានគេកត់ទុកផងដែរ ពីបទល្មើសនឹងបម្រាមឲ្យសំងំនៅតែក្នុងផ្ទះ ដែលរដ្ឋាភិបាលចាត់វិធានការតាំងពីថ្ងៃទី២០ ខែមីនាម៉្លេះ។ ហើយបម្រាមនេះ ត្រូវបានគេរំពឹងថានឹងបញ្ចប់នៅថ្ងៃទី៣១ ខែមីនា តែក៏ត្រូវបន្ដរហូតដល់ថ្ងៃទី១៣ ខែមេសានេះវិញ។ កំឡុងពេលនេះដែរ ពលរដ្ឋ គឺអនុញ្ញាតឲ្យចេញពីផ្ទះ ដើម្បីទៅទិញម្ហូបអាហារ ឬទិញថ្នាំពេទ្យប៉ុណ្ណោះ៕
សូមទស្សនារូបភាពខាងក្រោម៖