កញ្ចប់ថវិកាទី៣​ ដែលមានទឹកប្រាក់ ៥០០ ពាន់លាន បាត គ្រោងនឹងដាក់ឲ្យប្រើប្រាស់ ខណៈសេដ្ឋកិច្ចថៃធ្លាក់ចុះ

ថៃ៖ កាលពីថ្ងៃចន្ទ រដ្ឋមន្រ្តីក្រសួងហិរញ្ញវត្ថុបានឲ្យដឹងថា កញ្ចប់ជំនួយថ្មីមួយនឹងចូលខ្លួនក្នុងការកាត់បន្ថយផលប៉ះពាល់នៃវិបត្ដិសេដ្ឋកិច្ច ដែលមានតម្លៃជាងច្រើនជាង ៥០០ ពាន់លានបាត។

ក្រសួងហិរញ្ញវត្ថុថៃបានដាក់ចេញនូវកញ្ចប់ពីររួចហើយ គឺទី១ បញ្ចូលទឹកប្រាក់ ៤០០ ពាន់លានបាតទៅក្នុងសេដ្ឋកិច្ច និងទី២ ដែលមានតម្លៃ ១១៧ ពាន់លានបាត។ លោក Uttama Savanayana បានមានប្រសាសន៍ថ្មីៗនេះថា គម្រោងទាំំងនេះត្រូវបានដំណើរការដោយក្រសួងហិរញ្ញវត្ថុធនាគារកណ្តាល និងទីភ្នាក់ងារដែលពាក់ព័ន្ធ។

លោកបានប្រាប់សន្និសីទសារព័ត៌មានមួយថា "យើងមិនអាចប្រាប់ពីទំហំសាច់ប្រាក់ពិតប្រាកដនៅឡើយទេ ខណៈដែលយើងកំពុងធ្វើការលើវាយ៉ាងលម្អិត ប៉ុន្តែគម្រោងទាំំងនេះគួរតែធំជាងកញ្ចប់មុនៗ"។ យើងនឹងព្យាយាមដំណើរការគម្រោងទាំំងនេះឱ្យបានឆាប់រហ័សបំផុត។

សេដ្ឋកិច្ចថៃរងផលប៉ះពាល់យ៉ាងខ្លាំង ដោយសារជំងឺរាតត្បាតប្រភេទនេះ និងដោយសារតែវាពឹងផ្អែកយ៉ាងខ្លាំងទៅលើការនាំចេញនិងទេសចរណ៍។ តាមសេចក្តីថ្លែងការណ៍ បានរាយការណ៍ថាមានករណីឆ្លងវីរុសកូវីដ១៩មាន ១.៥២៤ ករណី និងមានមនុស្សស្លាប់ ៩ នាក់ដែលជាលទ្ធផលនៃការផ្ទុះឡើង។​

ធនាគារកណ្តាលថៃព្យាករណ៍ថាសេដ្ឋកិច្ចនឹងធ្លាក់ចុះ ៥,៣% នៅឆ្នាំនេះ ដែលនឹងជាការធ្លាក់ចុះដំបូងចាប់តាំងពីមានវិបត្តិហិរញ្ញវត្ថុពិភពលោកក្នុងឆ្នាំ ២០០៩។ លោក Uttama បានប្រសាសន៍ថាប្រទេសថៃមិនមានផែនការខ្ចីប្រាក់ពីមូលនិធិរូបិយវត្ថុអន្តរជាតិទេ ដោយសារជំហរសារពើពន្ធរបស់ខ្លួនរឹងមាំ ហើយវាអាចទាញយកប្រភពមូលនិធិផ្សេងទៀតរួមទាំងថវិកាសារពើពន្ធ។

លោកឧបនាយករដ្ឋមន្រ្តី Somkid Jatusripitak បានថ្លែងកាលពីសប្តាហ៍មុនថា រដ្ឋាភិបាលបានត្រៀមចេញក្រឹត្យដើម្បីខ្ចីប្រាក់ប្រសិនបើចាំបាច់៕