ទោះបីជាវីរុសកូរ៉ូណា ឬជំងឺកូវីដ១៩ កំពុងតែរីករាលដាលទូទាំងពិភពលោក និងបានធ្វើឱ្យការប្រកួតកីឡាទាំងអស់ទូទាំងពិភពលោកបានផ្អាក ក្នុងនោះកីឡាបាល់ទាត់ក៏បានផ្អាកទាំងអស់ផងដែរ ដែលវាបានធ្វើឱ្យក្លឹបបាល់ទាត់ និងលីគបាល់ទាត់ទាំងអស់បាត់បង់នូវចំណូលយ៉ាងច្រើនពីវិស័យមួយនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទោះជាយ៉ាងណា ក្លឹបបាល់ទាត់មួយចំនួន បានស្នើកាត់ប្រាក់ខែកីឡាករ និងបុគ្គលិកផងដែរ អំឡុងពេលប្រយុទ្ធប្រឆាំងជាមួយជំងឺរាលត្បាតជាសកលមួយនេះ ហើយលីគបាល់ទាត់មួយចំនួន ក៏មានគោលការណ៍ និងវិធីសាស្ត្រផ្សេងៗគ្នា ដើម្បីធានានូវនិរន្តភាពរបស់លីគ និងបណ្តាក្លឹបនៅក្នុងលីគ។
យ៉ាងណា កីឡាករល្បីៗមួយចំនួន នៅតែអាចរកបានប្រាក់ចំណូលយ៉ាងច្រើនសន្ធឹកសន្ធាប់ពីប្រាក់ខែរបស់ពួកគេនៅក្លឹប ប្រាក់ឧបត្ថម្ភផ្សេងៗ និងបានពីការផ្សាយពាណិជ្ជកម្មផ្សេងៗផងដែរ។
ថ្ងៃនេះ khmerload សូមបង្ហាញជូននូវកីឡាករកំពូល ១០រូប ដែលទទួលបានចំណូលច្រើនបំផុត ក្នុងរដូវកាល ២០១៩-២០២០ នេះ៖
១០-ខ្សែប្រយុទ្ធជម្រើសជាតិបារាំង Kylian Mbappé កំពុងលេងនៅក្លឹប Paris Saint-Germain រកបានប្រមាណ ២៧ លានផោន
៩-ខ្សែប្រយុទ្ធជម្រើសជាតិបូឡូញ Robert Lewandowski កំពុងលេងនៅក្លឹប Bayern Munich រកបានប្រមាណ ២៩ លានផោន
៨-ខ្សែប្រយុទ្ធជម្រើសជាតិអង់គ្លេស Raheem Sterling កំពុងលេងនៅក្លឹប Manchester City រកបានប្រមាណ ៣៣ លានផោន
៧-ខ្សែបម្រើសញ្ជាតិអេស្ប៉ាញ Andrés Iniesta កំពុងលេងនៅក្លឹប Kobe រកបានប្រមាណ ៣៤ លានផោន
៦-ខ្សែបម្រើប្រយុទ្ធជម្រើសជាតិបែលហ្សិក Eden Hazard កំពុងលេងនៅក្លឹប Real Madrid រកបានប្រមាណ ៣៨ លានផោន
៥-ខ្សែប្រយុទ្ធជម្រើសជាតិបារាំង Antoine Griezmann កំពុងលេងនៅក្លឹប Barcelona រកបានប្រមាណ ៣៨ លានផោន
៤-ខ្សែប្រយុទ្ធជម្រើសជាតិវែល Gareth Bale កំពុងលេងនៅក្លឹប Real Madrid រកបានប្រមាណ ៣៨ លានផោន
៣-ខ្សែប្រយុទ្ធជម្រើសជាតិប្រេស៊ីល Neymar កំពុងលេងនៅក្លឹប Paris Saint-Germain រកបានប្រមាណ ៩៥ លានផោន
២-ខ្សែប្រយុទ្ធជម្រើសជាតិព័រទុយហ្គាល់ Cristiano Ronaldo កំពុងលេងនៅក្លឹប Juventus រកបានប្រមាណ ១១៨ លានផោន
១-ខ្សែប្រយុទ្ធជម្រើសជាតិអាហ្សង់ទីន Lionel Messi កំពុងលេងនៅក្លឹប Barcelona រកបានប្រមាណ ១៣១ លានផោន៕
ប្រភព៖ transfermarkt