សិង្ហបុរី៖ នៅប្រទេសសិង្ហបុរីមានអ្នកជំងឺភេទប្រុសម្នាក់ដែលមានអាយុ ៧០ឆ្នាំ បានស្លាប់ដោយសារជំងឺពាក់ព័ន្ធនឹងវីរុសកូវីដ១៩ កាលពីនៅថ្ងៃអាទិត្យនេះ បើតាមសន្និសីទសារព័ត៌មានរបស់ក្រសួងសុខាភិបាល។ បុរសម្នាក់នេះត្រូវបានគេដឹងថា មិនមានប្រវត្តិធ្វើដំណើរទៅប្រទេស ឬតំបន់ដែលមានការឆ្លងនេះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហើយគាត់ត្រូវបានបញ្ជូនមកមន្ទីរពេទ្យទូទៅរបស់សិង្ហបុរី នៅថ្ងៃទី ២៩ ខែកុម្ភៈ និងបានបញ្ជាក់ថាគាត់មានផ្ទុកវីរុសកូវីដ១៩ វិជ្ជមាននៅថ្ងៃទី២ ខែមីនា។
គួរបញ្ជាក់ផងដែរថា ប្រទេសសិង្ហបុរីបានរាយការណ៍ករណីស្លាប់ចំនួន ២នាក់មកហើយ គឺម្នាក់ជាស្រ្តីជនជាតិសិង្ហបុរីអាយុ ៧៥ឆ្នាំ និងម្នាក់ទៀតជាបុរសជនជាតិឥណ្ឌូនេសុីអាយុ ៦៤ឆ្នាំ នៅថ្ងៃទី ២១ ខែមីនានេះ។
ហើយកាលពីថ្ងៃសៅរ៍នេះ ករណីថ្មីកើនឡើងចំនួន ៧០ ករណីទៀត ដែលធ្វើឲ្យចំនួនសរុប កើនឡើងដល់ ៨០២ ករណី៕