ក្រសួងការបរទេស និងសហប្រតិបត្តិការអន្តរជាតិនៃកម្ពុជា នៅថ្ងៃ ២៨មីនា បានចេញវិធានការរឹតបន្តឹងការធ្វើដំណើររបស់ជនបរទេសមកកម្ពុជា ពាក់ព័ន្ធកូវីដ១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការរឹតបន្តឹងនេះ នឹងចាប់ផ្តើមពីថ្ងៃទី៣០មីនា ម៉ោង២៣:៥៩នាទីតទៅ ដែលកំណត់ថា ជនបរទេសដែលមានបំណងចូលមកកម្ពុជាត្រូវមាន លិខិតបញ្ជាក់ថាគ្មានកូវីដ១៩(មានសុពលភាពមិនលើសពី៧២ម៉ោង) និងលិខិតបញ្ជាក់ធានារ៉ាប់រងសុខភាពយ៉ាងតិច ៥ម៉ឺនដុល្លារអាមេរិកអំឡុងពេលស្នាក់នៅ ព្រមទាំងលក្ខខណ្ឌខ្លះទៀតអាស្រ័យស្ថានទូតតម្រូវ (មានបញ្ជាក់ក្នុងលិខិតខាងក្រោម)។
ជាការកត់សម្គាល់ វិធានការរឹតបន្តឹងការធ្វើដំណើររបស់រដ្ឋាភិបាលកម្ពុជាយ៉ាងដូច្នេះ ត្រូវក្រសួងការបរទេសអះអាង ថា ធ្វើឡើងដើម្បីទប់ស្កាត់ការចម្លងកូវីដ១៩ និងស្របតាមវិធានការនានារបស់បណ្តាប្រទេសសអាស៊ាន ទើបកម្ពុជាសម្រេចដាក់វិធានការរឹតបន្តឹងជាបណ្តោះអាសន្នចំពោះជនបរទេសដែលចូលមកកម្ពុជា ចាប់ពីថ្ងៃ៣០មីនានេះតទៅ។
សូមបញ្ជាក់ថា គិតត្រឹមរសៀលថ្ងៃសៅរ៍ ២៨មីនានេះ កម្ពុជារកឃើញអ្នកឆ្លងកូវីដ១៩ ចំនួន ១០២ករណី (ស្រី ២៧នាក់)ហើយ ក្នុងនោះជាសះស្បើយចំនួន១៣ករណី៕