ម្ចាស់ក្លឹបមួយពេញចិត្តពេញថ្លើមចង់បានទាំង Zlatan និង Cavani នៅរដូវក្តៅខាងមុខ

ម្ចាស់ក្លឹប Leeds លោក Andrea Radrizzani បានទម្លាយឲ្យដឹងថា លោកពេញចិត្តពេញថ្លើមក្នុងការទិញយកអតីតកីឡាករតំបន់ប្រយុទ្ធរបស់ PSG ទាំង២នាក់នោះគឺ លោកព្រះ Zlatan និង Eden Cavani។

ក្លឹបមួយនេះអាចទិញ លោកព្រះ Zlatan បាន បន្ទាប់ពីកីឡាកររូបនេះចាកចេញពីក្លឹប MLS មុនពេលដែលចុះកុងត្រារយៈពេលខ្លីត្រឹម៦ខែជាមួយក្លឹបចាស់របស់ខ្លួន AC Milan។ ចំណែកឯ Cavani ឯណោះវិញ ក៏កំពុងតែធ្វើការសម្រេចចិត្តដើរចេញពីក្លឹបអ្នកមាន PSG ប៉ុន្តែនូវតែបន្តការលេងឲ្យ PSG ខណៈដែលកុងត្រាជាមួយក្លឹបនឹងត្រូវដាច់នៅរដូវក្តៅខាងមុខនេះហើយ។

ម្ចាស់ក្លឹបរូបនេះបានទម្លាយប្រាប់ព័ត៌មាន Sky Italy យ៉ាងដូច្នេះថា​៖ "ខ្ញុំបាននិយាយជាមួយ Zlatan Ibrahimovic យ៉ាងច្បាស់ហើយ គាត់អាចផ្តល់ឱ្យយើងនូវការសម្រេចចិត្តដ៏មុតមាំមួយ ប៉ុន្តែគាត់បានសម្រេចចិត្តទៅ AC Milan។ គាត់ស្មោះត្រង់និងមិនលាក់លៀមទេជាមួយខ្ញុំ។ ​

គួរឲ្យដឹងផងដែរថា Leeds United F.C. គឺជាក្លឹបបាល់ទាត់មួយដែលស្ថិតក្នុងលីគកំពូលលំដាប់ ទី២របស់លីគអង់គ្លេស ដែលធ្លាប់បានឈ្នះពានលីគអង់គ្លេសមួយចំនួនរួចមកហើយ ដែលក្នុងនោះមាន ពាន FA Cup ៣គ្រឿង , ពាន League Cup ១គ្រឿង និងពាន Community Shield ២គ្រឿង៕

ប្រភព៖ onefootball