អង់គ្លេស៖ ក្លិបកាំភ្លើងធំ Arsenal បានដាក់ការចាប់អារម្មណ៍ចង់បានកម្លាំងប្រយុទ្ធរបស់ក្លិបយក្សអេស្ប៉ាញ Real Madrid កីឡាករ James Rodriguez។
កីឡាករជម្រើសជាតិកូឡំប៊ីរំពឹងថានឹងចាកចេញពីកីឡដ្ឋាន Santiago Bernabeu នៅទីផ្សាររដូវក្ដៅខាងមុខ ខណៈក្លិប២នៅក្របខណ្ឌ Premier League កំពុងតាមប្រមាញ់រូបគេ រួមមាន Everton ក្រោមការដឹកនាំរបស់លោក Carlo Ancelotti និងក្លិប Wolverhampton Wanderers។
យ៉ាងណាមិញ បើតាមការចុះផ្សាយរបស់កាសែតអេស្ប៉ាញ Marca ក្រុមរបស់លោក Mikel Arteta បានចូលមកប្រជែងជាមួយក្លិបទាំង២ខាងលើ ដើម្បីនាំយកកីឡាករមានដើមកំណើតពីអាមេរិកខាងត្បូងរូបនេះ មកលេងនៅទឹកដីអង់គ្លេសសម្រាប់រដូវកាលក្រោយ។
កីឡាករវ័យ២៨ឆ្នាំ James បានត្រឡប់មក Real Madrid វិញកាលពីរដូវក្ដៅឆ្នាំមុន ក្រោយចំណាយរយៈពេល២ឆ្នាំជាមួយ Bayern Munich ក្រោមកិច្ចសន្យានៃការខ្ចីជើង។ ចំណែកឯកុងត្រារវាងគេ និងក្លិបមានមូលដ្ឋាននៅរាជធានីរបស់ប្រទេសអេស្ប៉ាញនឹងផុតកំណត់នៅរដូវក្ដៅឆ្នាំ២០២១។
ក្រោមការដឹកនាំរបស់បុរសសញ្ជាតិបារាំង Zidane ម្ចាស់ស្បែកជើងមាស World Cup 2014 James Rodriguez មិនសូវមានឱកាសចូលលេងនោះទេនៅរដូវកាលនេះ ដោយបង្ហាញខ្លួនបានត្រឹម១៣ប្រកួត និងរកគ្រាប់បាល់បានត្រឹម១គ្រាប់ ជាមួយការបញ្ជូនបាល់ឲ្យមិត្តរួមក្រុមបញ្ចប់ទីបានសម្រេច២លើកប៉ុណ្ណោះ៕
ប្រភព៖ SportsMole
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ
