កូរ៉េខាងត្បូង ៖ នេះជាព័ត៌មានដ៏ល្បីកក្រើកមួយ នៅកូរ៉េខាងត្បូង សម្រាប់ព្រឹកនេះ បន្ទាប់ពីប៉ូលីសចាប់បានខ្លួន បុរសវ័យក្មេងម្នាក់ ជាប់ពាក់ព័ន្ធនឹងការប្រើវិធីស្មោកគ្រោក បោកប្រាស់និងចាប់បង្ខំក្មេងស្រីៗ ឲ្យថតវីដេអូអាសអាភាស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបុរសវ័យក្មេងដ៏សាហាវឃោឃៅរូបនេះ មានឈ្មោះថា Jo Joo-bin ជាសិស្សពូកែ ទើបតែបញ្ចក់ការសិក្សា ផ្នែកព័ត៌មាននិងសារគមនាគមន៍ កាលពីឆ្នាំ ២០១៨។
ក្រោយពីបញ្ចប់ការសិក្សា ថ្នាក់មហាវិទ្យាល័យ Jo Joo-bin ស្រាប់តែបែកគំនិត បង្កើតបន្ទប់ជជែកកម្សាន្តនៅក្នុង Telegram ដើម្បីរកស៊ីខុសច្បាប់ ដោយការបោកប្រាស់ក្មេងស្រីៗ ឲ្យថតវីដេអូស្រើបស្រាល ផ្ញើឲ្យខ្លួន រួច Jo Joo-bin ក៏យកទៅដាក់លក់ និងបង្ហោះចូលទៅក្នុងបន្ទប់ជជែកកម្សាន្តទាំងនោះ ដោយមានប្រុសៗល្មោភកាមជាច្រើន រង់ចាំទិញ។
ម្ដងជាពីឬដង ក្មេងស្រីៗទាំងនោះ ត្រូវបាន Jo Joo-bin ចាប់បង្ខំឲ្យថតវីដេអូអាសអាភាស ដែលមានជាច្រើនរូបភាព ប៉ុន្តែអ្វីដែលសាហាវជាងនេះទៅទៀតនោះគឺ Jo Joo-bin បានអញ្ជើញភ្ញៀវ VIP ក្នុងបន្ទប់ជជែកកម្សាន្តរបស់ខ្លួន ទៅរំលោភពួកនាងដល់កន្លែងផងដែរ។
វីដេអូទាំងនោះ ក៏ត្រូវបានថត និងលក់បន្តជាហូហែ ព្រោះ Jo Joo-bin បានបង្កើតបន្ទប់ជជែកកម្សាន្តជាច្រើនលំដាប់ថ្នាក់ ដែលអនុញ្ញាតិឲ្យអតិថិជនរបស់ខ្លួន បង់ប្រាក់យ៉ាងច្រើនដើម្បីចូលរួម។
Jo Joo-bin បានបែកចែកបន្ទប់ជជែកកម្សាន្ត ជាបីកម្រិត ក្នុងតម្លៃ ២០០,០០០ វ៉ុន (ប្រហែលជា ១៦០ ដុល្លារ) ៧០០,០០០ វ៉ុន (ប្រហែលជា ៥៥៨ ដុល្លារ) និង ១,៥ លានវ៉ុន (ប្រហែលជា ១,២០០ ដុល្លារ)។
អ្នកបង់ប្រាក់តិច និងទទួលបានវីដេអូតិច អ្នកបង់ប្រាក់ច្រើន និងទទួលបានវីដេអូថ្មីៗច្រើន ហើយក៏មានឱកាស ទទួលបានការអញ្ជើញ ឲ្យជួបជាមួយក្មេងស្រីៗទាំងនោះ ហើយថតវីដេអូរំលោភបូក យ៉ាងសាហាវឃោឃៅទៀតផង។
រហូតមកដល់ពេលនេះ ប៉ូលីសបានរកឃើញថា មានជនរងគ្រោះដល់ទៅ ៧៤នាក់ឯណោះ ដែលត្រូវបានគេស្គាល់អត្តសញ្ញាណ ក្នុងនោះក៏មានអនីតិជន ចំនួន ១៦នាក់ផងដែរ។
ប្រជាជនកូរ៉េជាច្រើន មានការខឹងសម្បារយ៉ាងខ្លាំង ចំពោះការផ្សព្វផ្សាយវីដេអូអាសអាភាស និងការកេងប្រវ័ញ្ចផ្លូវភេទលើស្ត្រី រួមទាំងអនីតិជន នៅលើកម្មវិធី Telegram បែបនេះ ព្រោះវាជាអំពើដ៏ស្មោកគ្រោក និងព្រៃផ្សៃមួយ ដែលមិនអាចលើកលែងឲ្យបាន។
កាលពីប្រមាណជា ១ម៉ោងមុននេះ មានមនុស្សជាង ២,៣លាននាក់ បានចូលរួមដាក់ញត្តិ នៅឯ Blue House ដើម្បីស្នើសុំឲ្យមានការបង្ហាញ អត្តសញ្ញាណរបស់ជនសង្ស័យ ដែលបានប្រព្រឹត្តិរឿងអស់ទាំងនេះ។
ក្នុងនោះដែរ សារព័ត៌មាន SBS ក៏បានកំណត់ថា នេះគឺជាបទល្មើសផ្លូវភេទដ៏ឃោរឃៅ ប្រឆាំងនឹងមនុស្សវ័យជំទង់ និងជាឧក្រិដ្ឋកម្មធ្ងន់ធ្ងរ ដែលបន្សល់ទុកស្លាកស្នាម មិនអាចកែប្រែបានចំពោះជនរងគ្រោះ៕