ក្រូអាត៖ គ្រោះរញ្ជួយដីកម្រិតធ្ងន់មួយ ដែលមិនធ្លាប់មានក្នុងរយៈពេល១៤០ឆ្នាំ បានវាយប្រហាររដ្ឋធានីនៃប្រទេសក្រូអាត កាលពីថ្ងៃអាទិត្យម្សិលមិញ ដែលបង្កឲ្យក្មេងប្រុសជំទង់ម្នាក់ ស្ថិតក្នុងស្ថានភាពធ្ងន់ធ្ងរ ហើយ១៦នាក់ផ្សេងទៀតបានរងរបួស។ នេះបើតាមការចុះផ្សាយរបស់សារព័ត៌មាន BBC នៅថ្ងៃទី២២ ខែមីនា ឆ្នាំ២០២០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគ្រោះរញ្ជួយដីនេះ មានកម្លាំង ៥.៣ រ៉ិចទ័រដែលជាកម្រិតធ្ងន់បំផុតក្នុងរដ្ឋធានីនៃប្រទេសក្រូអាត ដែលកើតឡើងនៅវេលាម៉ោង ៦ និង ០០ នាទី (ម៉ោងនៅក្រូអាត) បានធ្វើឲ្យអគារតូចធំជាច្រើនត្រូវប្រះស្រាំ និងរថយន្ដរងការខូចខាតដោយសារបំណែកបាក់បែកធ្លាក់សង្កត់ ហើយនៅតាមផ្លូវនៃទីប្រជុំជននាៗ ក៏ពោរពេញទៅដោយកម្ទេចកម្ទីនៃបំណែកអគារផងដែរ។ រីឯប្រជាជនក្នុងតំបន់នោះ មានការភិតភ័យជាខ្លាំង និងបានជម្លៀសខ្លួននៅពេលគ្រោះមហន្ដរាយចាប់ផ្ដើម។ ហើយទន្ទឹមគ្នានេះ អាជ្ញាធរបានប្រាប់ឲ្យពលរដ្ឋដែលស្ថិតក្នុងហេតុការណ៍នោះ ត្រូវរក្សាចម្ងាយ និងចៀសវាងការប្រមូលផ្ដុំ ព្រោះប្រទេសក្រូអាតកំពុងប្រឈមមុខនឹងវិបត្ដិធ្ងន់ធ្ងរចំនួនពីរ គឺគ្រោះរញ្ជួយដី និងរោគរាលដាលថ្មី Covid-19 ។
លោកអភិបាលក្រុង Milan Bandic បាននិយាយដែរថា៖
គួរបញ្ជាក់ផងដែរថា គ្រោះមហន្ដរាយមួយនេះ កើតស្របពេលប្រជាជនមួយចំនួនបានធ្វើដំណើរទៅកាន់កន្លែងលំហែកាយនៅឆ្នេរសមុទ្រ។ ហើយនៅថ្ងៃដដែលនោះ ប៉ូលិសបានបិទចំណតផ្លូវហាយវ៉េ និងបង្កើតចំណុចត្រួតពិនិត្យសម្រាប់ការពារប្រជាជនមិនឲ្យចូលក្នុងតំបន់ឆ្នេរ ដើម្បីទប់ស្កាត់ការផ្ទុះរាលដាលនៃមេរោគ ខណៈប្រទេសក្រូអាតបច្ចុប្បន្នមានអ្នកឆ្លងជាង ២០០ នាក់៕