​អ្នកជំងឺកូរ៉ូណា ៥៩០ នាក់ ត្រូវបានអនុញ្ញាតឲ្យចាកចេញពីមន្ទីរពេទ្យ បន្ទាប់ពីទទួលការព្យាបាលជាសះស្បើយ

ប៉េកាំង៖ ​គណៈកម្មការសុខភាពជាតិរបស់ប្រទេសចិនបាននិយាយកាលពីថ្ងៃ​សុក្រថា អ្នកជំងឺកូរ៉ូណាសរុប ​៥៩០ នាក់ ​ត្រូវបានអនុញ្ញាតឲ្យចាកចេញពីមន្ទីរពេទ្យ បន្ទាប់ពីបានទទួលការព្យាបាលជាសះស្បើយ​។ នេះបើ​យោងតាមគេហទំព័រសារព័ត៌មាន ​xinhuanet ចេញផ្សាយនៅព្រឹកថ្ងៃសៅរ៍ ទី ២១ ខែ មីនា ឆ្នាំ២០២០។

​​យោងតាមរបាយការណ៍ប្រចាំថ្ងៃរបស់គណៈកម្មការសុខភាពជាតិក្នុងប្រទេសចិនស្តីពីតួលេខនៃអ្នកជំងឺ​កូរ៉ូណា​បានឱ្យដឹងទៀតថា  ​​បើគិតមកត្រឹមថ្ងៃ​នេះ មាន​អ្នកជំងឺរហូតដល់ ​៧១,៧៤០ នាក់បានទទួលការ​ព្យាបាល​​​ជាសះស្បើយ ហើយពួកគេក៏ត្រូវបានអនុញ្ញាតឲ្យ​ត្រឡប់ទៅផ្ទះវិញដែរ។

គួរជម្រាបផងដែរថា បើគិតពីតួលេខនៃចំនួនអ្នកស្លាប់ដោយសារវីរុសកូរ៉ូណានៅទូទាំងខេត្តនិងតំបន់ចំនួន ៣១ របស់ប្រទេសចិនគិតមកត្រឹមពេល​នេះ គឺ​មាន ៣,២៥៥ នាក់​  ខណៈ​អ្នកឆ្លងមាន ៨១,០០៨ នាក់៕