មានការលើកឡើងជាច្រើនពីមនុស្សដែលងាយឆ្លង COVID-19 ហើយនឹងអ្នកមិនងាយឆ្លង ក្នុងនោះដែរក៏មានគេនិយាយថា បើយើងជាអ្នកមានសុខភាពល្អ មានហាត់កីឡា មិនឆ្លង ឬមិនឈឺ។ តែសម្រាប់មតិនេះដែរ លោកវេជ្ជបណ្ឌិត ហ៊ាង រតនា ឯកទេសជំងឺទូទៅ បានឲ្យដឹងថា ទោះជាអ្នកលេងកីឡា សាច់ដុំធំៗប៉ុនណាក៏ឆ្លង និងឈឺដែរ ប្រសិនបើមិនបានការពារត្រឹមត្រូវ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកបានបន្ថែមទៀតថា តែអ្នកលេងកីឡាមានសុខភាពរឹងមាំល្អ ទោះជាពេលឆ្លងក៏មិនបណ្ដាលឲ្យឈឺទ្រុឌទ្រោម ឬសភាពជំងឺធ្ងន់ធ្ងរដូចមនុស្សចាស់ ឬអ្នកមិនលេងកីឡាផងដែរ ហើយក៏មិនងាយចម្លងទៅគេបន្តទៀតថា។ ដូចនេះហើយបានជាក្រសួងណែនាំឲ្យយើងមានអនាម័យខ្លួនប្រាណ ញ៉ាំអាហារសម្បូរជីវជាតិ និងហាត់ប្រាណឲ្យបានទៀងទាត់។
វេជ្ជបណ្ឌិតក៏បានបន្ថែមទៀត សម្រាប់អ្នកលេងកីឡា ឬហាត់ប្រាណក៏ត្រូវតែប្រយ័ត្នដែរ ព្រោះឧបករណ៍ហាត់ប្រាណខ្លះអាចផ្ទុក COVID-19 តាមរយៈអ្នកផ្ទុកបានប៉ះពាល់ ក្អក កណ្ដាស់ ហើយដំណក់ទឹកតូចៗទៅទុំតោងកន្លែងនោះ។
ដូចនេះហើយទោះជាអ្នកហាត់កីឡា លេងកីឡា ឬអ្នកហាត់ប្រាណ គួរតែមានវិធានការផ្ទាល់ខ្លួន ដើម្បីសុវត្ថិភាពខ្លួន និងអ្នកជុំវិញ ទើបយើងអាចនាំគ្នាទប់ស្កាត់ការចម្លង និងរីករាលដាល ហើយកុំអាងខ្លួនមានសុខភាពរឹងមាំ COVID-19 មិនអាចឆ្លងចូលខ្លួនបាន ឲ្យសោះ ព្រោះមានប៉ុន្មានករណីហើយនៅបរទេសដែលកើតឡើងចំពោះកីឡាករអាជីព និងអ្នកកាយសម្ព័ន្ធ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T