កុំច្រលំ! មិនមានសំណងទេ បើទោះបីកីឡាអូឡាំពិកពន្យារ​ពេល​​ក៏​ដោយ​

ជប៉ុន៖ កីឡាអូឡាំពិកឆ្នាំ ២០២០ នៅប្រទេសជប៉ុនកំពុងត្រូវបានសង្ស័យខ្លាំងថានឹងពន្យារពេល ដោយសារ តែការផ្ទុះឡើងក្នុងសកលលោករបស់កូវីដ១៩ ហើយធ្វើឱ្យអ្នកគាំទ្ររាប់ម៉ឺននាក់ដែលបានចំណាយ លុយទិញ សំបុត្រចូលទស្សនានោះ មិនសង្ឃឹមថាបានលុយទាំងនោះមកវិញទេ។

សំណងទាក់ទងនឹងសំបុត្រគឺមិនអាចទៅរួចទេ នេះបើតាមសម្តីរបស់កាសែតជប៉ុន The Asahi Shimbun។ តាមលក្ខខណ្ឌ "បញ្ហាសុខភាពសាធារណៈ" មិនតម្រូវឲ្យគណៈកម្មការរៀបចំសងសំណងទៅកាន់ អ្នកដែល ទិញសំបុត្រនោះទេ ដែលសំបុត្រដែលបានទិញនោះមានជាង ៥លានសំបុត្រឯណោះ។

ហើយលក្ខខណ្ឌនេះក៏មានប្រសិទ្ធភាពចំពោះកម្មវិធី Paralympics ឆ្នាំ ២០២០​ផងដែរ ដែលបានលក់សំបុត្រជាង ១.៧ លានសំបុត្រ៕