កូរ៉េខាងត្បូង៖ យោងតាមព័ត៌មានដ៏គួរឱ្យភ្ញាក់ផ្អើលដែលថាមាន COVID -១៩ ផ្សេងទៀតក្នុងចំណោមអ្នកទៅ ព្រះវិហារនៅ Seongnam ខេត្ត Gyeonggi មូលហេតុនៃការរាលដាលត្រូវបានគេបង្ហាញថាជាការបាញ់ទឹក អំបិលដែលធ្វើឱ្យមានការភ្ញាក់ផ្អើលដល់ប្រជាជនថែមទៀត។

ថ្មីៗនេះវាត្រូវបានគេរាយការណ៍ថាមានចំនួន ៥០ ករណីក្នុងចំណោមអ្នកទៅព្រះវិហារចំនួន ១៣៥ នាក់ត្រូវបាន បញ្ជាក់ថាបានឆ្លងវីរុសនេះនៅ River of Grace Church ។

ករណីឆ្លងថ្មីនៅព្រះវិហារ

ប៉ុន្តែបុព្វហេតុនៃការរីករាលដាលដ៏ធំនោះគឺ ការបាញ់ទឹកអំបិលដែលត្រូវបានប្រើដើម្បី៖ “ ធ្វើអនាម័យ”​ ដល់អ្នក​ចូលរួម​។

យោងតាមវីដេអូស៊ីស៊ីធីវី ថ្ងៃទី ១ និង ៨ មីនានៅពេលដែលពិធីកើតឡើង អ្នកចូលរួមទាំងអស់ត្រូវ បាញ់ថ្នាំ​នៅ​ក្នុងមាត់​ដោយបាញ់ទឹកអំបិលមុនពេលពួកគេចូលព្រះវិហារ។

ក្រុមការងារសង្គ្រោះគ្រាអាសន្នរបស់ខេត្ត Gyeonggi បានបញ្ជាក់ថា ដោយសារតែកង្វះការយល់ដឹងអំពីវីរុសនេះ  វាបានរីករាលដាលកាន់តែខ្លាំងឡើងក្នុងចំណោមអ្នកទៅព្រះវិហារ។

ក្រុមការងារពិសេសបន្ទាន់ខេត្ត Gyeonggi បកស្រាយថា នេះគឺជាឧទាហរណ៍នៃការរីករាលដាល ដែលបង្កឡើង ដោយព័ត៌មានមិនត្រឹមត្រូវ។ យើងបានបញ្ជាក់ថាអ្នកចូលរួមត្រូវបានគេបាញ់ថ្នាំនៅក្នុងមាត់ជាមួយនឹងការបាញ់ ទឹកអំបិល ប៉ុន្តែថាការបាញ់មិនបានសម្លាប់មេរោគ​ចោលនោះទេ ដែលធ្វើឱ្យការរីករាលដាលជៀសមិនរួច។

ករណីឆ្លងថ្មីនៅព្រះវិហារ

រោគសញ្ញានៃករណីបានបង្ហាញថា ត្រឹមថ្ងៃទី ៨ ខែមីនា​ដែលមានករណីចំនួន ៤៦ ដែលបានបញ្ជាក់ថ្មីៗនេះ​កើនឡើងដល់ចំនួន ៥០ករណីនាពេលបច្ចុប្បន្ន។

ព័ត៌មាននេះកំពុងទទួលបានការចាប់អារម្មណ៍ជាពិសេសដោយសារតែមនុស្សមួយចំនួនអះអាងថា “វាជាការគោរពដ៏​សែន​អាក្រក់​ Shincheonji​” ​ ដែលបណ្តាលឱ្យមានការរីករាលដាលយ៉ាងខ្លាំងនៃវីរុសនៅជុំវិញប្រទេសកូរ៉េ។

ទោះបីជាប្រទេសកូរ៉េកំពុងទទួលបានការទទួលស្គាល់ថាពួកគេបាននឹងកំពុងដោះស្រាយបញ្ហាមេរោគឆ្លងក៏ដោយ តែបញ្ហាបែបនេះ បានបង្កការលំបាកក្នុងកំឡុងពេលដែលពួកគេខិតខំទប់ស្កាត់ការរីករាលដាលនេះ៕

ករណីឆ្លងថ្មីនៅព្រះវិហារ
ករណីឆ្លងថ្មីនៅព្រះវិហារ
ករណីឆ្លងថ្មីនៅព្រះវិហារ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ