កប់សារី! លេងឲ្យ Man Utd បាន៣ប្រកួត Bruno ជាប់ជាកីឡាករឆ្នើមបំផុតប្រចាំខែកុម្ភៈនៅ Premier League

អង់គ្លេស៖ Bruno Fernandes បានបង្ហាញខ្លួនឲ្យ Man Utd នៅ Premier league បានត្រឹមប្រហែល១ខែប៉ុណ្ណោះ ហើយវាគ្រប់គ្រាន់ហើយសម្រាប់ឲ្យកីឡាកររូបនេះឈ្នះពានរង្វាន់ងារជាកីឡាករឆ្នើមបំផុតប្រចាំខែកុម្ភៈ នៅ Premiere League។

កីឡាករសញ្ជាតិព័រទុយហ្គាល់រូបនេះ ត្រូវបាន Man Utd ជះលុយទិញចេញពីក្លឹប Sporting កាលពីរដូវកាលដោះដូរកីឡាករក្នុងខែមករា ដោយបានលេងបាន៣ប្រកួតឲ្យក្លឹបបិសាចក្រហមក្នុងខែកុម្ភៈ។

កីឡាកររូបនេះបានបង្ហាញខ្លួនក្នុងជំនួបស្មើ ០ទល់នឹង០ ជាមួយក្រុម Wolves ដែលក្នុងប្រកួតនោះ Bruno បានចូលលេងត្រឹម៥៥នាទីប៉ុណ្ណោះ។ បន្ទាប់មកប្រកួតទល់នឹង Chelsea ដែលជាការប្រកួតបង្ហាញខ្លួនយ៉ាងល្អមួយដែលបានបញ្ជូនគ្រាប់បាល់ឲ្យមិត្តរួមក្រុមស៊ុត១គ្រាប់ ហើយ១ប្រកួតទៀត ទល់នឹងក្រុម Warford ដែលកីឡាកររូបនេះទំលុះសំណាញ់ទីបាន១គ្រាប់ និងបញ្ជូនបាល់ឲ្យមិត្តរួមក្រុមស៊ុត១គ្រាប់ផងដែរ៕

ប្រភព៖ besoccer