Disney ត្រូវបង្ខំចិត្តពន្យារពេលចាក់បញ្ចាំងរឿង Mulan ដោយសារតែ Covid-19 (មានវីដេអូ)

ខ្សែភាពយន្តដែលដកស្រង់ចេញពីគំនូរជីវចលរបស់ Disney ដែលផលិតក្នុងឆ្នាំ១៩៩៨ ដែលមានចំណងជើងថា Mulan បានគ្រោងចាក់បញ្ចាំងនៅថ្ងៃទី២៧ ខែមីនា ខាងមុខនេះ តែជារឿងគួរឲ្យស្តាយដែលខ្សែភាពយន្តនេះត្រូវបានពន្យារពេលចាក់បញ្ចាំង ដោយសារតែការគម្រាមកំហែងពីវីរុស Covid-19។

មិនត្រឹមតែរឿង Mulan នេះទេ Disney ក៏បានពន្យារពេលរឿងដែលខ្លួនបានផលិតដូចជា The New Mutants និង Antlers គឺមិនទាន់បានសម្រេចចិត្តនៅឡើយទេ ថាតើត្រូវលើកការចាក់បញ្ចាំងទៅថ្ងៃណាពិតប្រាកដ ខណៈដែល Coivd-19 កំពុងតែរីករាលដាលនៅតំបន់អឺរ៉ុប។

រឿង Mulan នេះត្រូវបានរាយការណ៍ឲ្យដឹងថា ចំណាយទឹកប្រាក់ប្រមាណ ២០០លានដុល្លារ នេះមិនទាន់រាប់បញ្ចូលការធ្វើទីផ្សារផ្សព្វផ្សាយនៅឡើយទេ។

គួរបញ្ជាក់ផងដែរថា​រឿង Mulan គឺជារឿងចុងក្រោយហើយដែលត្រូវបានរំសាយការចាក់បញ្ចាំងដោយសារតែដើម្បីបង្ការការរីករាលដាលនៃជំងឺរលាកសួតប្រភេទថ្មី Covid-19 ដែលកំពុងតែ​បញ្ជ្រាបខ្លួននៅពាសពេញពិភពលោក៕

ទស្សនាវីដេអូ Highlight៖

ប្រភព៖ Metro