កប់សារី! Tom Holland ទំលាយឲ្យដឹងថា ដៃគូចាស់របស់ខ្លួននឹងមានវត្តមានក្នុងរឿងថ្មី Spider-Man 3

Tom Holland បានបញ្ជាក់ថា ខ្លួននឹងបន្តសម្តែងក្នុងខ្សែភាពយន្ត Spider-Man ថ្មីមួយទៀត បន្ទាប់ពីមានរឿងរកាំរកួសច្រើនទាក់ទិននឹងបញ្ហារវាង Disney និង Sony កាលពីឆ្នាំមុន។

តារាសម្តែងជាតួរអង្គ Peter Parker បានឲ្យដឹងថា​៖ "ខ្ញុំពិតជាសប្បាយចិត្តណាស់ពីដំណឹងនេះ យើងនឹងចាប់ផ្តើមថតរឿង Spider-Man 3 នៅខែកក្កដា ខាងមុខនេះ នៅ Atlanta"។

Tom Holland បន្ថែមថា Zendaya នឹងបង្ហាញមុខច្រើនក្នុងរឿងនេះ តែមិនច្បាស់ឡើយអំពីទំនាក់ទំនងរវាងតួរអង្គទាំង២ក្នុងវគ្គថ្មីនេះ។

អ្នកគាំទ្រជាច្រើនមានការព្រួយបារម្មណ៍ចំពោះអនាគតរបស់តារាសម្តែង Tom Holland កាលពីមានជម្លោះខ្វែងគំនិតគ្នារវាង Disney និង Sony ដែលធ្វើឲ្យអនាគតតារាវ័យក្មេងរូបនេះស្ថិតក្នុងភាពស្រពេចស្រពិល។

តែទោះជាយ៉ាងណា Tom Holland បានឲ្យដឹងថា វាមិនមានព័ត៌មានអាក្រក់អីទេ ខណៈដែល Tom បានបង្ហើបឲ្យដឹងថា ខាង Sony មាន Idea ដ៏អស្ចារ្យអំពីការចាត់ចែង Spider-Man។ តារាសម្តែងជាតួរអង្គ Peter Parker បានប្រាប់ MTV International ឲ្យដឹងថា៖ "អនាគតរបស់ Spider-Man នៅតែភ្លឺស្វាងជាមួយ Sony យើងមាន Idea ថ្មីៗដ៏អស្ចារ្យ នៃរបៀបដែលយើងអាចចាត់ចែង តួរអង្គ Spider-Man ដោយគ្មាន MCU"៕

សូមទស្សនារូបភាពខាងក្រោម៖

ប្រភព៖ metro