កីឡាករវ័យ២២ឆ្នាំ Lautaro Martinez បានធ្វើព្យុះភ្លៀងជាខ្លាំងនៅលីគកំពូលអ៊ីតាលី បន្ទាប់ពីបានផ្លាស់ពីក្លឹប Racing Club កាលពីឆ្នាំ២០១៨។ ការរកបាន២៥គ្រាប់ ក្នុងការបង្ហាញខ្លួន ៦៦ ប្រកួត បានធ្វើឲ្យក្លឹបគីឡូធ្ងន់ៗពេញចិត្តពេញថ្លើមជាខ្លាំងដូចជា Barcelona និង Real Madrid។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតែទោះជាយ៉ាងណា បើយោងតាមរបាយការណ៍ពីអេស្ប៉ាញបានអះអាងថា Chelsea នឹងត្រៀមជះ លុយធំប្រមាណ ១០០លានផោន ដែលជាតម្លៃទិញផ្តាច់កុងត្រារបស់កីឡាកររូបនេះជាមួយ Inter Milan ដើម្បីនាំយក Martinez មកកាន់ទឹកដីអង់គ្លេស។
បើទោះជា Chelsea ហ៊ានជះលុយធំក្តី ក៏អ្វីៗអាចនឹងមិនងាយស្រួលទេ ដោយសារតែកីឡាករផ្ទាល់ធ្លាប់បានបង្ហើបឲ្យដឹងថា ខ្លួនមានក្តីស្រមៃ ប្រកៀកស្មាគ្នាជាមួយ Lionel Messi នៅតំបន់ប្រយុទ្ធ។ ខណៈពេលដែល Barca មានអាទិភាពក្នុងការដោះដូរនេះក្តីក៏ក្លឹបយក្សអេស្ប៉ាញមួយនេះយល់ច្បាស់ ថា ការផ្លាស់ប្តូរគោលដៅពី Neymar មក Martinez ភ្លាមៗនេះមិនមែនជារឿងងាយទេ៕
ប្រភព៖ metro