ភ្នំពេញ៖ ជាការពិតណាស់ ថ្ងៃនេះជាថ្ងៃមង្គលការ របស់តារាសម្ដែងស្រី ម៉ាក សែនសូនីតា ហើយពិធីមង្គលការនាងប្រារព្ធធ្វើឡើងនៅសណ្ឋាគារ សុខាភ្នំពេញ ដែលជាសណ្ឋាគារផ្កាយប្រាំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង នាព្រឹកថ្ងៃនេះ ជាពេលវេលាហែលជំនូន ទទួលខាន់ស្លា និងពិធីកាត់សក់ ឃើញថានាងកាន់តែមានភាពលេចធ្លោជាមួយឈុតនីមួយៗ ទៅតាមពេលវេលាល្អរបស់នាង នៅក្នុងថ្ងៃរៀបអាពាហ៍ពិពាហ៍។ ក្នុងនោះដែរ ឈុតសម្រាប់ពិធីកាត់សក់របស់នាង ក្នុងពណ៌មាសពិតជាសាកសមជាមួយនាង បូករួមនឹងរូបសម្រស់នាងផងនោះ កាន់តែស្រស់ស្អាតជាមុន។
យ៉ាងណាមិញ ទស្សិកជនច្បាស់ជាបានឃើញសកម្មភាពខ្លះៗកាលពីម្សិលមិញនេះ ក្នុងថ្ងៃរៀបការរបស់នាង ដោយយើងបានឃើញទិដ្ឋភាពខ្លះនៅក្នុងពិធី ទាំងការរៀបចំ និង ដេគ័រនៅក្នុងពិធីរៀបការរបស់ នាងពិតជាមានភាពស្រស់ស្អាត និងលេចធ្លោ ជាពិសេស បើងាកមកមើលសម្រស់របស់ កញ្ញា ម៉ាក សែនសូនីតា វិញ នាងកាន់តែមានរូបសម្រស់ស្រស់ស្អាត ពេលស្លៀកឈុតកូនក្រមុំបែបនេះ។
តែបើមកមើលនៅក្នុងថ្ងៃ ក៏កាន់តែអធិកអធមខ្លាំង ស្របពេលដែលការរៀបចំក៏ល្អ រីឯភ្ញៀវកិត្តយសក៏បានចូលរួមច្រើន គួរឲ្យកត់សម្គាល់ ជាមួយនឹងការអបអរនៅក្នុងថ្ងៃពិសេសនេះផងដែរ៕
សូមទស្សនារូបភាពខាងក្រោម៖