ហេតុផល២យ៉ាង ដែលអាចធ្វើឲ្យ Barcelon ស្នើសុំលើកពាន La Liga មុនចប់រដូវកាលបាន

អេស្ប៉ាញ៖ លីគកំពូលអេស្ប៉ាញ La Liga បានផ្អាកការប្រកួតទាំងស្រុងរយៈពេល២សប្តាហ៍ដើម្បីរងចាំភាពស្ងប់ស្ងាត់ឡើងវិញនៃវីរុស Covid-19 បើទោះជាប្រធានលីគ La Liga លោក Javier Tebas​ បានឲ្យដឹងកាលពីថ្ងៃអាទិត្យកន្លងទៅថា គម្រោងនៃការបញ្ចប់រដូវកាលគឺនៅមិនទាន់ច្បាស់នៅឡើយទេ ហើយពួកគេក៏ស្ថិតក្នុងភាពស្រពេចស្រពិលដែរថាតើ ប្រកួតដល់សេសសល់ទាំងប៉ុន្មាននោះ អាចនឹងមានការប្រកួតឬអត់។

យោងតាមរបាយការណ៍បានឲ្យដឹងថា បើតាមស្ថានភាពនេះ​ ក៏ដូចជាការដែលអាចនឹងបិទរដូវកាលត្រឹមនេះ ក្លឹបដែលកំពុងឈលេខ១កំពូលតារាង Barcelona នឹងស្នើសុំដើម្បីបានលើកពានមុនចប់រដូវកាល។ ក្លឹប Barcelona អាចធ្វើបែបនេះបានក្រោមហេតុផល២គឺ ​ហេតុផលទី១គឺថា Barcelona គឺកំពុងមានពិន្ទុច្រើនជាង Real Madrid នៅពេលដែលរដូវកាលអាចនឹងបិទត្រឹមនេះដោយសារ Covid-19។

ហេតុផលមួយទៀតនោះគឺ​ Barcelona បានឈរលើកំពូលតារាង ដោយមានពិន្ទុលើសគេ​ នៅពាក់កណ្តាលរដូវកាល ដែលកាលនោះ Barca មិន៤០ពិន្ទុលើកំពូលតារាង La Liga។

ទោះជាយ៉ាងណាករណីបែបនេះមិនដែលកើតមានក្នុងលីគកំពូល La Liga ឡើយ។ បើសិនជាការប្រកួតមិនអាចចាប់ផ្តើមសាជាថ្មីទេនោះ មានតែសហព័ន្ធបាល់ទាត់អេស្ប៉ាញ និង La Liga ទេជាអ្នកសម្រេចថា តើក្រុមណាជាម្ចាស់ជើងឯក ឬក៏បញ្ចប់រដូវកាលទៅដោយទុកពានឲ្យនៅទំនេរ៕

ប្រភព៖ af