តាមពិតកន្លែងដែល V ទៅលំហែកាយនេះ ជាឆ្នេរ Naksan ដ៏ល្បីប្រចាំខេត្ត Ganwon សោះ!

កូរ៉េខាងត្បូង ៖ ដូចប្រិយមិត្តបានជ្រាបរួចមកហើយថា បច្ចុប្បន្ននេះ BTS គឺជាក្រុមចម្រៀងដ៏ល្បីល្បាញ មានប្រជាប្រិយភាពទូទាំងពិភពលោក ថែមទាំងត្រូវគេចាត់ទុក ជាក្រុមចម្រៀងតំណាងវិស័យ Kpop ថែមទៀតផង។

ក្នុងនោះដែរ BTS ក៏ត្រូវបានគេចាត់ទុក ជាបុគ្គលសំខាន់ ដែលធ្វើឲ្យកូរ៉េខាងត្បូង មានកំណើនភ្ញៀវទេសចរណ៍​ ជាហូហែក្នុងមួយឆ្នាំៗ។

គួរបញ្ជាក់ផងដែរថា នៅព្រឹកថ្ងៃទី ១៥ ខែមីនានេះ V សមាជិកម្នាក់ នៅក្នុងក្រុម BTS បានបង្ហោះរូបភាព ២សន្លឹកបង្ហាញពីដំណើរកម្សាន្តថ្ងៃសម្រាករបស់ខ្លួន នៅឯឆ្នេរសមុទ្រមួយកន្លែង ដែលត្រូវបានគេស្គាល់ថាជាឆ្នេរ Naksan ដ៏ល្បីប្រចាំខេត្ត Ganwon។

ជាការពិតណាស់ ខេត្ត Gangwon មានភាពល្បីល្បាញជាយូរមកហើយ ដោយសារតែឆ្នេរសមុទ្រស្អាតៗ នៅក្នុងខេត្តនេះ ត្រូវបានគេយកមកធ្វើជា កន្លែងថតឈុតរ៉ូមែនទិច ក្នុងរឿងភាគល្បីៗរបស់កូរ៉េជាច្រើនរឿង។

ថ្មីៗនេះ ឆ្នេរ Naksan ក៏កំពុងតែក្លាយជាឆ្នេរល្បីល្បាញ ជាថ្មីម្ដងទៀតហើយ បន្ទាប់ពី V បានបង្ហោះរូបភាព នៅទីនោះចំនួន ២សន្លឹក។

ពេលនេះហ្វេនៗ កំពុងតែត្រៀមគម្រោង ទៅកម្សាន្តនៅទីនោះ ដើម្បីថតរូបភាព កន្លែងតែមួយជាមួយនឹង V៕

តោះចង់ដឹងថា តើទេសភាពឆ្នេរ Naksan នៅឯស្រុក Yangyang ខេត្ត Gangwon មានភាពស្រស់ស្អាត និងរ៉ូមែនទិចកម្រិតណានោះ?

តោះមកទស្សនារូបភាពខាងក្រោមទាំងអស់គ្នា ៖