អ្នកភូមិនាំគ្នាភ័យ ទូរសព្ទទៅប្ដឹងប៉ូលិស ក្រោយពីឃើញតោមួយក្បាលដើរពេញផ្លូវ លុះប៉ូលិសចុះទៅពិនិត្យ ទើបដឹងថាជា...

អេស្ប៉ាញ៖ ថ្មីៗកន្លងទៅនេះ ប៉ូលិសទទួលបានការរាយការណ៍ជាច្រើនលើកច្រើនសារពីអ្នកភូមិ អំពីតោដ៏ធំមួយក្បាលដើរពេញផ្លូវនៅឯក្រុង Molina de Segura។ តែលុះពេលដែលប៉ូលិសចុះទៅដល់ទីតាំងផ្ទាល់ ទើបបង្កឲ្យមានការភ្ញាក់ផ្អើល និងហួសចិត្តយ៉ាងខ្លាំង ព្រោះតែវាជាសុនខដ៏ធំមួយក្បាលដែលត្រូវបានគេកោររោមចេញពាក់កណ្ដាលខ្លួនប៉ុណ្ណោះ។

ទោះជាយ៉ាងណាក្ដី ប៉ូលិសបានបញ្ជូនសុនខនោះទៅកាន់ម្ចាស់របស់វាវិញ ហើយក៏មិនដឹងច្បាស់ពីមូលហេតុនៃការកោររោមឡើយ។

ជុំវិញរឿងរ៉ាវខាងលើនេះ ត្រូវបានយកទៅបង្ហោះចែកចាយនៅលើបណ្ដាញសង្គម ដែលធ្វើឲ្យមហាជនជាច្រើនផ្ទុះសំណើច និងហួសចិត្តជាខ្លាំងផងដែរ។ ទន្ទឹមនឹងនេះដែរ ក៏មានមហាជនមួយចំនួនបានបង្ហាញអារម្មណ៍មិនពេញចិត្តនូវការកោររោមបែបនេះ ព្រោះមើលទៅដូចជាការបំពានទៅលើសត្វអីចឹង៕

សូមទស្សនារូបភាពខាងក្រោម៖