សត្វស្វារាប់រយក្បាលនៅថៃ ចេញដណ្ដើមចំណីគ្នាពាសពេញផ្លូវ បន្ទាប់ពីការធ្លាក់ចុះនៃចំនួនភ្ញៀវទេសចរ ដោយសារវីរុសកូរ៉ូណា (មានវីដេអូ)

ថៃ៖ សត្វស្វារាប់រយក្បាល ត្រូវគេប្រទះឃើញចេញដណ្ដើមចំណីគ្នា នៅពាសពេញដងផ្លូវ បន្ទាប់ពីចំនួននៃភ្ញៀវទេសចរដែលធ្លាប់ដាក់ចំណីឲ្យនៅពេលពួកគេមកកម្សាន្ដ មានការធ្លាក់ចុះខ្លាំង ដោយសារប្រទេសថៃ ក៏ដូចជាប្រទេសជាច្រើននៅជុំវិញពិភពលោក កំពុងព្រួយបារម្ភពីវីរុសថ្មី Covid-19 ។

សត្វស្វាដ៏ច្រើនលើសលុបនេះ ភាគច្រើនពួកវារស់នៅក្នុងវត្តមួយក្នុងខេត្ត Lopburi ហើយកាលពីពេលថ្មីៗនេះដែរ ពួកវាក៏បានបង្ហាញខ្លួន ក្នុងសភាពស្រេកឃ្លានចំណីខុសពីធម្មតា។ ក្នុងនោះដែរ អ្នកថតជាច្រើនបានផ្ដិតយករូបភាព និងវីដេអូ ដែលបង្ហាញពីសកម្មភាពពួកស្វាទាំងនោះរត់ដណ្ដើមចំណីគ្នាស៊ី ដល់ថ្នាក់ខាំគ្នាយ៉ាងសាហាវទៀតផង ហើយសូម្បីតែអ្នកស្រុក ដែលតែងតែឃើញពួកវាពីមុនក៏មានអារម្មណ៍ចម្លែកខុសរាល់ដងដែរ។

នារីម្នាក់ ដែលបានឃើញទិដ្ឋភាពនោះនៅខាងក្រៅហាងនាងធ្វើការបាននិយាយថា៖

គួរឲ្យដឹងដែរថា សត្វស្វា និងសត្វព្រៃដទៃទៀត គឺជាកត្ដាមួយដែលបានរួមចំណែក ក្នុងការទាក់ទាញភ្ញៀវទេសចរប្រមាណ ៣៥ លាននាក់ ឲ្យមកទស្សនាប្រទេសថៃជារៀងរាល់ឆ្នាំ។ ប៉ុន្ដែ ចាប់តាំងពីវីរុស Covid-19 បានរាលដាលនៅក្នុងប្រទេសថៃ ក៏ដូចជាប្រទេសដទៃទៀតលើពិភពលោកមក គេសង្កេតឃើញថា ចំនួនភ្ញៀវទេសចរបានធ្លាក់ចុះខ្លាំងរហូតដល់ ៤៤ ភាគរយ។

សូមជម្រាបថា បច្ចុប្បន្ន ប្រទេសថៃត្រូវបានគេរកឃើញអ្នកឆ្លងវីរុសថ្មីនេះចំនួន ៧០ នាក់ និងស្លាប់ម្នាក់ នេះបើយោងទៅតាមទិន្នន័យ Tracking Coronavirus របស់ BNO News គិតត្រឹមរសៀលនេះ៕