ការបាត់រដូវ គឺជាសញ្ញាមួយក្នុងចំណោមសញ្ញាផ្សេងៗទៀតនៃការសង្ស័យថាមានផ្ទៃពោះ។ ប៉ុន្តែមិនមែនគ្រប់ករណីនៃការបាត់រដូវទាំងអស់សុទ្ធតែបញ្ជាក់ថា មានផ្ទៃពោះនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើតាម គ្លីនិក រ៉ាក់ បានឲ្យដឹងថា ករណីខ្លះ ស្រ្តីអាចបាត់រដូវ តែធ្វើតេស្តទឹកនោមមិនឃើញមានផ្ទៃពោះ វាអាចមកពីការធ្វើតេស្តទឹកនោមភ្លាមៗពេក ស្រ្តីគួរតែរង់ចាំ ១-២ សប្តាហ៍ បន្ទាប់ពីបាត់រដូវ។
ចំពោះករណីខ្លះ ស្រ្តីមួយចំនួនបានបាត់រដូវ ហើយធ្វើតេស្តទឹកនោមតែបែរជាមិនឃើញមានផ្ទៃពោះ ព្រោះវាអាចជាការដែលរដូវមកយឺត ឬផ្អាករដូវជាដើម។ បញ្ហាទាំងនេះអាចបណ្តាលមកពីមូលហេតុខ្លះៗដូចជា បញ្ហាសុខភាព ការឡើង ឬស្រកទម្ងន់ ស្រ្តេស ហាត់ប្រាណខ្លាំងពេក ការប្រើប្រាស់ថ្នាំផ្សេងៗ។ល។
គ្លីនិក រ៉ាក់ ក៏បានណែនាំឲ្យស្រ្តីដែលបាត់រដូវ គួរតែជួបពិគ្រោះជាមួយគ្រូពេទ្យដើម្បីទទួលបានការពិនិត្យសុខភាព ទោះបីសង្ស័យ ឬមិនសង្ស័យថាមានផ្ទៃពោះក្តី។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T