ភ្នំពេញ៖ ពិធីការី ដ៏មានប្រជាប្រិយភាព ប្រចាំបុ៉ស្តិ៍ CTN កញ្ញា គង់ វង្សយ៉ាទី បានធ្វើឲ្យហ្វេនៗ ចាប់អារម្មណ៍ខ្លាំង ដែលនាងបានធ្វើកម្មវិធីជប់លៀងមួយកាលពីយប់មិញ ជូនដល់តារាសម្ដែងស្រីមុខឃ្យូត គួរឲ្យស្រលាញ់ ម៉ាក សែនសូនីតា ( តូតា) ដែលជាមិត្តជិតស្និតបំផុត យ៉ាងសប្បាយរីករាយនាឱកាសនោះផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង នៅក្នុងយប់មិញនេះ គង់ វង្សយ៉ាទី ព្រមជាមួយនឹងមិត្តភក្តិរបស់ តូតា ផ្សេងទៀត បានចំណាយពេលវេលា នឹងរៀបចំខ្លួនយ៉ាងស្រស់ស្អាត មកធ្វើកម្មវិធីជប់លៀងលាភាពនៅលីវជូនដល់តារារូបនេះ ខណៈជិតដល់ថ្ងៃចូលរោងការហើយនោះ។ ដោយក្នុងនោះមើលទៅ បរិយាកាសបែបនេះពិតជាសប្បាយរីករាយ និងរំភើបខ្លាំងមែនទែន ស្របពេលដែលពិធីការិនីស្រស់ស្អាត បានសរសេររៀបរាប់នៅក្នុងគណនីហ្វេសប៊ុកនាងថា៖
គួរបញ្ជាក់ថា កញ្ញា តូ តា នឹងប្រារព្ធធ្វើមង្គលការ នៅថ្ងៃទី ១៦ ខែ មិនា ខាងមុខនេះហើយ ដោយមានការអញ្ជើញភ្ញៀវចូលរួមយ៉ាងច្រើន។ ក្នុងនោះដែរ ក៏មានការលើកទឹកចិត្ត និងចូលរួមអបអរសាទរ ពីសាច់ញ្ញាតិ បងប្អូន មិត្តភក្ដិ ពិសេសពីបណ្ដាហ្វេនៗមួយចំនួន ដែលគាំទ្រនាងផ្ទាល់ បានផ្ញើពាក្យជូនពរនាង ឲ្យមានសុភមង្គល ក្នុងជីវិតអាពាហ៍ពិពាហ៍មួយនេះផងដែរ៕
ទស្សនារូភាពខាងក្រោម៖