ប្រទេសជប៉ុន៖ វិបត្តិវីរុស Covid-១៩ បានធ្វើឲ្យម៉ាស់ពេទ្យក្លាយជារបស់មានតម្លៃជាងគេនៅក្នុងប្រទេសជប៉ុន។ អ្នកលក់រាយបានដាក់ស្លាកនៅខាងមុខហាងរបស់ខ្លួនថា "ទំនិញអស់ស្តុក" ដើម្បីកុំឲ្យអ្នកទិញសួររកដដែលៗ និងដេញអ្នកលក់ឲ្យទៅរកនៅក្នុងស្តុកខាងក្រោយ ថាតើនៅមានឬអត់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សស្ថានភាពបានប្រែក្លាយកាន់តែអាក្រក់ទៅ រហូតដល់មានចោរកម្ម និងការវាយតប់គ្នាដើម្បីទទួលបានម៉ាស់ទៀតផង តែអ្វីដែលហួសចិត្តនោះ ពួកគាត់មិនមែនដណ្តើមគ្នាដើម្បីប្រើប្រាស់ផ្ទាល់ខ្លួនទេ តែសម្រាប់យកទៅលក់តម្លៃកប់ពពកនៅតាមអនឡាញទៅវិញ។
ច្បាប់ថ្មីរបស់រដ្ឋាភិបាលជប៉ុនអនុញ្ញាតឲ្យអាជ្ញាធរបិទចោលនូវការលក់ម៉ាស់ដែលគេប្រើរួចហើយយកមកលក់ឡើងវិញ ដែលអាចចូលជាធរមាននៅអាទិត្យក្រោយ។
ជាក់ស្តែងណាស់ បម្រាមដែលមិនមានទោស គឺគ្មានប្រសិទ្ធភាពទេ ទើបរដ្ឋាភិបាលសម្រេចតាមមាត្រា ទី ២៦ ដោយដាក់ទោសអ្នកលក់ម៉ាស់ដែលគេប្រើរួច ហើយយកមកលក់ឡើងវិញ ពិន័យចំនួន ៣ លានយ៉េន (ជិត ៣ម៉ឺនដុល្លារអាមេរិក) ឬអាចជាប់ពន្ធធនាគាររយៈពេល ៥ឆ្នាំផងដែរ៕