អាមេរិក៖ នាង Kasey Kuchinshi វ័យ៣៣ឆ្នាំ និងស្វាមីឈ្មោះ Daniel Rodriguez វ័យ៣៣ឆ្នាំដូចគ្នា មកពីរដ្ឋកាលីហ្វ័រញ៉ា បានចិញ្ចឹមអណ្ដើកញីមួយក្បាលឈ្មោះ Ethel ដែលមានទម្ងន់ចំនួនប្រមាណ៩គីឡូក្រាម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនាង Kasey បានឲ្យដឹងថា រូបនាងផ្ទាល់មានអាជីពជាអ្នកច្នៃម៉ូតសម្លៀកបំពាក់ ដូច្នេះហើយបានជានាងអាចច្នៃឈុតក្មេងតូចជាច្រើន សម្រាប់អណ្ដើក។ ក្នុងមួយឈុតនាងចំណាយប្រាក់ទៅលើសម្ភារច្នៃមិនឲ្យលើសពី៥ដុល្លារអាមេរិកឡើយ។ ហើយដោយសារតែនាង និងស្វាមីមិនទាន់មានកូនរួមគ្នា ទើបពួកគេទាំងពីរចាត់ទុកអណ្ដើកដូចជាកូនស្រីម្នាក់អីចឹង។
ចំណែកចំណីដែលអណ្ដើក Ethel ចូលចិត្តស៊ី គឺម្ទេសប្លោក ស្ពៃតឿ ល្ពៅ និងស្មៅជាដើម។ បើទោះជាអណ្ដើកនេះមិនមែនជាអណ្ដើកសមុទ្រក៏ដោយ ក៏វាចូលចិត្តឆ្នេរសមុទ្រ កម្ដៅថ្ងៃ ខ្សាច់ និងថ្មផងដែរ។
យ៉ាងណាមិញ នាង Kasey ក៏បានបង្ហោះរូបភាពជាច្រើនសន្លឹកទៅលើបណ្ដាញសង្គម អុីនស្ដាក្រាម ដែលបង្ហាញពីឈុតសម្លៀកបំពាក់ដូចគ្នារវាង នាងនិងស្វាមី រួមទាំងអណ្ដើក ដោយទទួលបានការចាប់អារម្មណ៍ និងកោតសរសើរជាខ្លាំងពីសំណាក់មហាជន៕
សូមទស្សនារូបភាពខាងក្រោម៖