បរទេស៖ ជាការពិតការដែល ទុកពោះឲ្យឃ្លានគឺ វាប៉ះពាល់យ៉ាងខ្លាំង ដល់ការសិក្សានិង ការងារប្រចាំថ្ងៃរបស់យើង លើសពីនេះវាក៏អាចបង្កឲ្យក្លាយទៅជា ជំងឺផ្លូវចិត្តផងដែរ នេះបើតាមអ្នកការស្រាវជា្រវ បានលើកឡើង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមានមនុស្សមួយចំនួនធំ បានយល់ច្រឡំថាការដែល ចូលគេងដោយព្យាយាមបង្អត់ នៅអាហាររបស់ខ្លួនឯង ថាជាគំនិតល្អព្រោះពួកគេគិតថា ជាវិធីសាស្រ្តល្អ ក្នុងការជួយឲ្យពួកគេ បញ្ចុះទម្ងន់បាន។ ក៏ប៉ុន្តែបើតាម អ្នកវិទ្យាសាស្ត្របានរកឃើញថា ការដែលព្យាយាមបង្អត់អាហារខ្លួនឯងបែបនេះគឺ វាអាចមានផលអវិជ្ជមានជះត្រឡប់មកវិញ ច្រើនជាងផលវិជ្ជមាន។
អ្នកប្រាកដជាអាចនឹងភ្ញាក់ផ្អើល នៅពេលដែលអ្នកបានដឹងពី ផលអវិជ្ជមានដែលអ្នកនឹងទទួលបាន ពីការដែលព្យាយាមចូលគេង ដោយបង្អត់អាហាររបស់ខ្លួនឯង។ ហើយអ្នកក៏នឹង ប្រាកដជាផ្លាស់ប្តូរ នៅទម្លាប់នេះចោលផងដែរ៕ តោះចង់ដឹងថាមានផលប៉ះពាល់បែបណាខ្លះនោះ សូមទៅអានទាំងអស់គ្នា៖
១. អ្នកអាចបាត់បង់ទម្រង់នៃសាច់ដុំ
យោងតាមអ្នកឯកទេស បានឱ្យដឹងថាសម្រាប់ អ្នកដែលព្យាយាមហាត់យក កង់នៃ សាច់ដុំ គឺអ្នកមិនគួរទុកពោះ របស់អ្នក ឲ្យនៅឃ្លាននោះទេ អ្នកប្រហែលជារំលងអាហារ ពេលល្ងាចរបស់អ្នក ប៉ុន្តែត្រូវចាំថារាងកាយរបស់អ្នកត្រូវការ សារធាតុចិញ្ចឹមដើម្បី បំលែងប្រូតេអ៊ីន ទៅជាសាច់ដុំ។
២. អ្នកអាចនឹងឡើងគីឡូលើសដើម
អ្នកអាចនឹងមិនទទួលបានផលអ្វីនោះទេ ពីការដែលព្យាយាមចូលគេង ដោយពោះកំពុងតែឃ្លាន។ ពីព្រោះស្របពេលដែល អ្នកព្យាយាមបង្អត់ អាហារខ្លួនឯង នោះអ្នកក៏ប្រាកដជាឃ្លាន នឹងញុំាច្រើនលើសដើម។ ឬអាចនិយាយម្យ៉ាងទៀតថា អ្នកបានញុំាអាហារជាច្រើនភ្លាមៗ ក្នុងពេលតែមួយ ជំនួសឲ្យការឃ្លាន ហើយទម្លាប់នេះបានកើតឡើង ជារៀងរាល់ថ្ងៃដែលជាហេតុ ធ្វើឲ្យអ្នកឡើងគីឡូខ្លាំងជាមុន។
វាជាការល្អប្រសិនបើ អ្នកញ៉ាំអាហារ២-៣ ម៉ោងមុនពេលចូលគេងគឺ ល្អដរាបណាវាជាអាហារសុខភាព។
៣. អ្នកនឹងគេងមិនបានស្កប់ស្កល់
យើងភាគច្រើនប្រហែលជា ធ្លាប់ចូលគេងដោយការឃ្លាន។ ក្នុងពេលនោះ ក្រពះរបស់អ្នកប្រាកដជា កូរមិនឈប់ ហើយក៏នឹងធ្វើឲ្យ អ្នកគិតដល់រឿងតែមួយគត់ គឺថាតើអ្នកនឹងអាចទ្រាំវា រហូតដល់អាហារពេលព្រឹក ដែលឬអត់។ ក្នុងស្ថានភាពនេះ គឺវាត្រូវការពេលវេលាយូរខ្លាំងណាស់ ដើម្បីអាចដេកលក់បាន ដូច្នេះប្រសិនបើអ្នកចង់គេងលក់ស្រួល សូមកុំទុកខ្លួនឯងឲ្យឃ្លានបែននេះអី។ បើយោងតាមអ្នកឯកទេស បានលើកឡើងថា ប្រសិនបើអ្នកមានអារម្មណ៍ឃ្លាន យ៉ាងហោចណាស់អ្នកអាចញុំា ត្រសក់ និងទឹកខ្លះជំនួសដោយនំ ប្រសិនបើអ្នកចូលគេងរួចហើយនោះ។
៤. អ្នកប្រាកដជាបាត់បង់នៅថាមពល
ប្រសិនបើអ្នកបង្អត់ខ្លួនឯង អ្នកនឹងមិនមានថាមពលគ្រប់គ្រាន់ ក្នុងការធ្វើការងារពេញមួយថ្ងៃនោះទេ។ វាពិតជាមាន សារៈសំខាន់ខ្លាំងណាស់ ក្នុងការដែលមានអារម្មណ៍ល្អនៅពេលព្រឹក ពីព្រោះយើងត្រូវទៅធ្វើការ ហើយខួរក្បាលរបស់យើង ក៏ត្រូវការប្រើច្រើនផងដែរ។ អ្នកស្រាវជ្រាវ បានកត់សម្គាល់ឃើញថា ផលប៉ះពាល់ជាច្រើន ពីការឃ្លានអាចបង្កគ្រោះថ្នាក់ ដូចជាអស់កម្លាំង និងធ្លាក់ទឹកចិត្តបាន។ ប្រសិនបើអ្នកសំរេចចិត្តទុកពោះឲ្យនៅឃ្លាន នៅពេលយប់មុននិង ភ្ញាក់ពីដំណេកអ្នកនឹង បាត់បង់ថាមពល ហើយវាក៏នឹងបណ្តាលឲ្យអ្នក មានអារម្មណ៍មិនល្អ ដែលវាអាចធ្វើឲ្យមានផលប៉ះពាល់ ដល់លទ្ធផលនៅកន្លែងធ្វើការ។ តើអ្នកគិតយ៉ាងណាអំពីការញ៉ាំមុនពេលចូលគេង? តើអ្នកព្យាយាមញ៉ាំអាហារប៉ុន្មានម៉ោងមុនពេលចូលគេង?
Bong I.T