ជាធម្មតា សត្វខ្លាឃ្មុំស៊ីសាច់ជាអាហារ ក៏ប៉ុន្ដែវាមិនដែលស៊ីគ្នាវាឡើយ។ តែដោយសារកម្ដៅកើនឡើង ក៏ដូចជាសកម្មភាពរបស់មនុស្សនៅតំបន់អាក់ទិចបានធ្វើឲ្យទឹកកករលាយ ដែលបានបំផ្លាញទីជម្រករួមទាំងចំណីរបស់ពួកវា ខ្លាឃ្មុំមួយចំនួនត្រូវគេប្រទះឃើញថាស៊ីគ្នាឯងជាអាហារ មើលទៅគួរឲ្យសង្វេគ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមអ្នកឯកទេសនៃខ្លាឃ្មុំតំបន់ប៉ូល លោក Ilya Mordvintsev នៅវិទ្យាស្ថានបញ្ហាបរិស្ថានវិទ្យា និងការវិវត្តនៃទីក្រុងម៉ូស្គូបាននិយាយថា៖ "ករណីសត្វស៊ីសាច់ ដែលនៅក្នុងចំណោមខ្លាឃ្មុំទឹកកកបានកើតឡើងជាយូរមកហើយ ប៉ុន្តែម្ដងនេះត្រូវបានគេរកឃើញជាលើកដំបូង ថាស៊ីពូជអម្បូរគ្នាឯង"។
បើតាមការស្រាវជ្រាវបានបញ្ជាក់ថា ដោយសារតែអាកាសធាតុប្រែប្រួលបូករួមទាំងខ្វះអាហារទៀតនោះ ទើបវាធ្វើដូច្នេះ។ ម្យ៉ាងទៀត នៅពេលខ្លាឃ្មុំឈ្មោលធំឃើញខ្លាឃ្មុំញី គឺខ្លាឃ្មុំឈ្មោលទៅវាសង្គ្រប់ខ្លាឃ្មុំញីតែម្ដង ព្រោះខ្លាឃ្មុំញីមានរាងតូចជាង។ ប៉ុន្ដែជាធម្មតា សត្វខ្លាឃ្មុំទឹកកកចាប់ត្រីនៅក្នុងសមុទ្រទឹកកក នៅពេលទឹកកករលាយ ពួកវាព្យាយាមហែលទៅរកផ្ទាំងទឹកកករឹងដើម្បីមានភាពងាយស្រួលក្នុងការដកដង្ហើម។
សូមទស្សនាវីដេអូខាងក្រោម៖