ត្រជាក់ខ្លាំងពេក! ផ្ទះនៅញូយ៉ក ត្រូវគ្របដណ្ដប់ទាំងស្រុងដោយផ្ទាំងទឹកកក មើលទៅគួរឲ្យចាប់អារម្មណ៍ (មានវីដេអូ)

ញូយ៉ក៖ ផ្ទះជា​ច្រើនខ្នង ដែលមានមូលដ្ឋានក្នុងសង្កាត់ Lake Erie ក្នុងទីក្រុងញូយ៉ក ត្រូវគ្របដណ្ដាប់ទាំងស្រុងដោយផ្ទាំងទឹកកក ក្រោយមានព្យុះមួយបានវាយប្រហារ។

រូបភាពដ៏កម្របានបង្ហាញពីផ្ទះ និងដើមឈើជាច្រើន នៅតាមបណ្ដោយឆ្នេរ Hoover មានទីតាំងចំពីមុខបឹង Erie ត្រូវបានព្រិល និងផ្ទាំងទឹកកកហុំព័ទ្ធយ៉ាងក្រាស់។ កម្រាស់ផ្ទាំងទឹកកកប្រមាណពី ១ ទៅ ៣ អុីញ (២.៥៤ ទៅ ៧.៦២ សង់ទីម៉ែត្រ) បានបង្ខំឲ្យអ្នកស្រុកចាកចេញពីផ្ទះរបស់ពួកគេ ដើម្បីស្វែងរកជម្រកថ្មីដែលមានសុវត្ថិភាព សម្រាប់ជ្រកកោណជាបណ្ដោះអាសន្ន។

អ្នកស្រុកដែលរស់នៅតំបន់ខាងលើលោក Ed Mis បានប្រាប់វិទ្យុ ABC10 ថា៖

លោកបន្ដថា៖

គួរឲ្យដឹងដែរថា ផ្ទាំងទឹកកកបានចាប់ផ្ដើមកកកុញនៅថ្ងៃព្រហស្បតិ៍ និងពេញមួយយប់ បន្ដដល់ថ្ងៃសុក្រ ដោយសារសីតុណ្ហភាពចុះដល់ -៦ អង្សារសេ ខណៈរលកទឹកកកបក់មកពីបឹង Erie ។ ហើយកាលពីថ្ងៃសុក្រនោះដែរ ទីក្រុង Humburg ត្រូវបានវាយប្រហារដោយព្យុះសង្ឃរាមួយ ដែលមានព្រិលធ្លាក់យ៉ាងខ្លាំង និងរលកមានកម្ពស់ប្រមាណជាង 3 ម៉ែត្របក់ពីបឹង Erie បូករួមនឹងកម្លាំងខ្យល់ត្រជាក់រហូតទៅដល់ ៧៥ គីឡូម៉ែត្រក្នុងមួយម៉ោង។

សូមជម្រាបថា បាតុភូតធម្មជាតិ ដែលបង្កើតជាខ្យល់ និងព្រិលធ្លាប់យ៉ាងច្រើននេះ បានបំផ្លាញទ្រព្យសម្បត្តិប្រជាជនដែលរស់នៅតាមបណ្ដោយឆ្នេរ Hoover ហើយដើមឈើជាច្រើនត្រូវដួលរលំដោយសារទម្ងន់របស់ទឹកកក៕

សូមទស្សនារូបភាព និងវីដេអូខាងក្រោម៖