បុគ្គលិករបស់ក្រុមហ៊ុនយក្ស Google នៅប្រទេស Switzerland ត្រូវបានធ្វើតេស្តរកឃើញថាមានផ្ទុកវីរុសកូរ៉ូណា ។ បើតាមរបាយការណ៍បានឲ្យដឹងថាបុគ្គលិករូបនោះបានស្នាក់នៅក្នុងទីក្រុង Zurich ក្នុងរយៈពេលខ្លីបន្ទាប់ពីបង្ហាញរោគសញ្ញា Covid-១៩ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកនាំពាក្យរបស់ក្រុមហ៊ុនយក្ស Google បានថ្លែងថា ៖ " យើងអាចបញ្ជាក់ច្បាស់ថា បុគ្គលិករបស់យើងដែលមានការិយាល័យនៅទីក្រុង Zurich បានធ្វើតេស្តឃើញថាផ្ទុកវីរុសកូរ៉ូណា។ បុគ្គលិករូបនោះបានស្ថិតក្នុងតំបន់ Zurichត្រឹមរយៈពេលខ្លីប៉ុណ្ណោះមុនពេលរោគសញ្ញាបង្ហាញខ្លួនឡើង " ។
ប្រភពដដែលបានបន្ថែមទៀតថា ៖ " យើងបានចាត់ចែង ហើយនឹងបន្តចាត់ការ នូវរាល់ការវិធីការពារដែលអនុលោមទៅតាមការណែនាំរបស់ក្រសួងសុខាភិបាល ដែលយើងយកចិត្តទុកដាក់ចម្បងលើសុខភាពរបស់ប្រជាជន " ។ អ្នកនាំពាក្យរបស់ក្រុមហ៊ុន Google បានថ្លែងបែបនេះ។
Google បានរាយការណ៍ឲ្យដឹងថា ទីតាំងការិយាល័យនេះមិនទាន់ត្រូវបានបិទទ្វាទេ ប៉ុន្តែបានធ្វើការហាមប្រាមបុគ្គលិករបស់ខ្លួនកុំឲ្យធ្វើដំណើរទៅកាន់ប្រទេសដែលកំពុងផ្ទុះជំងឺដូចជា អេរ៉ង់ , អុីតាលី , ចិន ក៏ដូចជាជប៉ុន និងចិន ។ ដោយសារតែបញ្ហាវីរុសនេះបានធ្វើឲ្យក្រុមហ៊ុនបច្ចេកវិទ្យាដ៏ធំមួយនេះបង្ខំចិត្តរំសាយចោលនៅ Event សំខាន់ៗមួយចំនួនផងដែរ ដែលគ្រោងនឹងធ្វើនៅខែមេសាខាងមុខ ៕
ប្រភព៖ gadgets