តារាឆ្នើម Leo Messi គឺជាអាវុធដ៏មុតស្រួចរបស់ក្លឹបអ្នកមានបុណ្យ Barcelona និងជាកីឡាករដ៏គ្រោះថ្នាក់មួយរបស់ក្លឹបយក្សស Real Madrid ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រធានក្រុម Barcelona កីឡាករ Messi នឹងធ្វើដំណើរទៅកាន់កីឡដ្ឋាន Bernabeu ទឹកដីរបស់ Real Madrid នៅចុងសប្តាហ៍នេះក្នុងមហាព្រឹត្តិការណ៍ El Clasico បន្ទាប់ពីរកបាន៤គ្រាប់ម្នាក់ឯងនៅជំនួបទល់នឹង Eibar ក្នុងលទ្ធផលជ័យជម្នះ ៥-០ ក្នុងក្របខ័ណ្ឌ La Liga កន្លងទៅ ។
បើតាមស្ថិតិមួយនេះបានឲ្យដឹងថា Messi ធ្លាប់រកគ្រាប់បាល់បានសរុប ២៦គ្រាប់ក្នុងព្រឹត្តិការណ៍ El Clasico ទល់នឹង Real Madrid តែអ្វីដែលគួរឲ្យផ្ញាក់ផ្អើលនោះគឺថា Messi បានរកគ្រាប់បាល់នៅកីឡដ្ឋាន Bernabeu ច្រើនជាងរកបានគ្រាប់បាល់នៅកីឡដ្ឋាន Camp Nou ពោលគឺបានទម្លុះសំណាញ់ទី Real នៅកីឡដ្ឋាន Bernabeu របស់ Real បាន១៥គ្រាប់ ចំណែកទម្លុះសំណាញ់ទី Real Madrid នៅក្នុងកីឡដ្ឋានខ្លួនឯងបានត្រឹម១១គ្រាប់ប៉ុណ្ណោះ ។
តែទោះជាយ៉ាងណានៅក្នុងជំនួប២ប្រកួតចុងក្រោយកន្លងទៅនេះ Messi មិនអាចរកគ្រាប់បាល់លើ Real Madrid បានទេ ខណៈដែលធ្លាប់រកបានសរុប២៦គ្រាប់ក្នុងចំណោមជំនួបជាមួយ Real ៤២លើក ។
គួរំលឹកផងដែរថា មហាព្រឹត្តិការណ៍ El CLasico រវាងក្រុមទាំង២នឹងធ្វើការប្រកួតនៅថ្ងៃទី២ ខែមីនាខាងមុខនេះហើយការប្រកួតនឹងចាប់ផ្តើមនៅម៉ោង៣:០០នាទីរំលងអធ្រាត្រម៉ោងនៅកម្ពុជា ៕
ប្រភព៖ allfootball