រដ្ឋាករស្វយ័តដឹកជញ្ជូនសាធារណៈរថយន្តក្រុងរាជធានីភ្នំពេញ បានបញ្ជាក់នៅក្នុងលិខិតរបស់ខ្លួនថា បុគ្គលិកនៃអង្គភាពបម្រើសេវាដឹកជញ្ជូនសាធារណៈម្នាក់ត្រូវបានបញ្ឈប់ពីរដ្ឋាករ ដោយសារបុគ្គលិករូបនេះបានបន្ទោបង់ទឹកនោមដាក់កង់រថយន្តក្រុងនៅទីសាធារណៈ។ នេះបើតាមសេចក្តីប្រកាសរបស់រដ្ឋាករស្វយ័តដឹកជញ្ជូនសាធារណៈរថយន្តក្រុងរាជធានីភ្នំពេញ នៅថ្ងៃទី២៨ ខែកុម្ភៈនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរដ្ឋាករស្វយ័តខាងលើបានបកស្រាយទៅសាធារណៈជនថា រូបភាពបុគ្គលិក ឈ្មោះ ចេង ចិត្រា ភេទប្រុស បើកបររថយន្តក្រុងស្លាកលេខ ៣-០១៩៧ ធ្វើការបន្ទោបង់ដាក់កង់រថយន្តក្រុងនៅទីសាធារណៈ ស្ថិតនៅចំណុចប្រសព្វផ្លូវ ១៣០ កែងមហាវិថីព្រះនរោត្តម កាលពីថ្ងៃទី២៨ ខែកុម្ភៈនេះ វេលាម៉ោង ១២:០០នាទី។
ស្ថាប័នខាងលើអះអាងថា ទង្វើនេះបានធ្វើឲ្យប៉ះពាល់ដល់កិត្តិយសអង្គភាពសេវាដឹកជញ្ជូនសាធារណៈ ជាពិសេសបានធ្វើឲ្យប៉ះពាល់ដល់សេចក្តីថ្លៃថ្នូរ សុជីវធម៌ អនាម័យ សណ្តាប់ធ្នាប់សាធារណៈ និងសោភ័ណភាពរាជធានីភ្នំពេញផងដែរ៕