ម៉ូស្គូ៖ ប្រទេសរុស្ស៊ីបានសាកល្បងបាញ់សាកល្បងមីស៊ីលផ្លោងល្បឿនលឿនជាងសំឡេងដែលមានឈ្មោះថា Tsirkon ឬ Zircon ពីលើនាវាចម្បាំងបានដោយជោគជ័យលើកដំបូង ហើយប្រទេសរុស្ស៊ីក៏គ្រោងនឹងធ្វើការបាញ់សាកល្បងមីស៊ីលប្រភេទនេះលើនាវាមុជទឹកនុយក្លេអ៊ែរបន្ថែមទៀតដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទីភ្នាក់ងារសារព័ត៌មានរដ្ឋ TASS បានរាយការណ៍កាលពីថ្ងៃព្រហស្បតិ៍ម្សិលមិញថា មីស៊ីល Tsirkon ត្រូវបានបាញ់ចេញពីនាវាចម្បាំង Admiral Gorshkov ដែលបានចូលសំចតនៅក្បែរមូលដ្ឋានយោធាមួយកន្លែងនៅភាគខាងជើងជួរភ្នំ Ural ដែលមានចម្ងាយប្រមាណ ៤៨២ គីឡូម៉ែត្រពីសមុទ្រ Barents ។
គួររម្លឹកផងដែរថា ប្រទេសរុស្ស៊ីបានចាប់ផ្តើមធ្វើការផលិតមីស៊ីលដែលមានល្បឿងលឿនជាងសំឡេងនេះ កាលពីឆ្នាំ ២០១៥ ហើយក្នុងនោះដែរ ទីក្រុងមូស្គូបានប្រកាសថា មីស៊ីលប្រភេទនេះមានល្បឿនលឿនជាងសម្លេងដល់ទៅ ៩ ដង ដែលអាចឱ្យវាគេចពីប្រព័ន្ធរ៉ាដារបស់សត្រូវបាន។ លើសពីនេះទៀត មីស៊ីលប្រភេទនេះអាចហោះបានក្នុងចម្ងាយជាង ៩៦៥ គីឡូម៉ែត្រ៕
សូមទស្សនាវីដេអូខាងក្រោម៖