ជំងឺរលាកទងសួត និងជំងឺរលាកបំពង់កងាយកើតមានចំពោះកុមារ ឬទារកតូចៗខ្លាំងណាស់ ហើយវាបង្កឡើងដោយវីរុស និងបាក់តេរី។ ដូចនេះហើយលោកវេជ្ជបណ្ឌិត ហ៊ាង រតនា ឯកទេសទូទៅ នឹងណែនាំម៉ាក់ប៉ាពីវិធីការពារកូនពីជំងឺទាំងពីរបានខ្លះៗ៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១- វិធីការពារកូនជំងឺរលាកទងសួត
– កុំឲ្យកូនទៅជិតអ្នកមានជំងឺនេះ
– ឲ្យកូនរស់ក្នុងទីកន្លែងមានសីតុណ្ហភាព និងបរិយាកាសសមរម្យ មិនក្ដៅ ឬមិនត្រជាក់ពេក
– រស់នៅត្រូវមានអនាម័យ និងបិទច្រមុះ មាត់ ពេលមានធូលីហុយផ្សែងកខ្វក់ ឬ កន្លែងមានក្លិនមិនល្អ
– លាងសម្អាតដៃជាមួយសាប៊ូក្រោយពេលប៉ះពាល់របស់មិនស្អាត
– ពាក់ម៉ាស់ និងខ្ទប់ច្រមុះមាត់ ពេលមានអ្នកជំងឺក្អក ឬកណ្ដាស់
២- វិធីការពារកូនពីជំងឺរលាកបំពង់ក
– ចៀសឲ្យឆ្ងាយពីអ្នកជំងឺ រលាកបំពង់ក ព្រោះវាជាប្រភេទជំងឺមួយងាយឆ្លងបំផុត
– ចៀសវាងឲ្យកូនតូចញ៉ាំអាហារប្រៃ ផ្អែម និងខ្លាញ់ពេក
– ក្រោយញ៉ាំអាហាររួច ដើម្បីឲ្យជាតិផ្អែម ខ្លាញ់មិនតោងជាប់ក ត្រូវផឹកទឹកឲ្យបានច្រើន
– កុំបណ្ដោយឲ្យកូនកើតជំងឺផ្ដាសាយ ព្រោះវាជាហេតុងាយធ្វើឲ្យរលាកបំពង់ក
លោកវេជ្ជបណ្ឌិតក៏បានណែនាំឲ្យអាណាព្យាបាលនាំកូនទៅជួបគ្រូពេទ្យជំនាញ ប្រសិនបើកូនមានរោគសញ្ញាមិនប្រក្រតីណាមួយដើម្បីស្វែងរកមូលហេតុ និងព្យាបាលទាន់ពេលវេលា។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T