អង់គ្លេស៖ ក្លិបបិសាចក្រហម Manchester United ត្រូវបានគេរាយការណ៍មកថាអាចនឹងសម្រេចចិត្តលក់អ្នកចាំទីដៃទីមួយរបស់ក្រុម កីឡាករ David de Gea ចេញនៅកំឡុងទីផ្សារដោះដូរកីឡាកររដូវក្ដៅខាងមុខ។ 

កីឡាករ David de Gea

De Gea ទើបតែបន្តកុងត្រាថ្មីជាមួយ Man UTD កាលពីខែកញ្ញា ឆ្នាំទៅ ប៉ុន្តែបើតាមសារព័ត៌មាន Goal បានចុះផ្សាយថា អ្នកចាំទីជម្រើសជាតិអេស្ប៉ាញរូបនេះអាចនឹងចាកចេញពីក្លិបនៅរដូវក្ដៅខាងមុខ បើសិនជាអ្នកចាំទីកំពុងឡើងកូដ Dean Henderson ត្រឡប់មក Man UTD វិញ។

ប្រភពដដែលបានបន្តឲ្យដឹងថា ការឡើងដៃរបស់អ្នកចាំទី Dean Henderson ដែលកំពុងលេងឲ្យ Sheffield United ក្រោមលក្ខខណ្ឌខ្ចីជើងបានធ្វើឲ្យថ្នាក់ដឹកនាំក្លិបចាប់អារម្មណ៍យ៉ាងខ្លាំង ហើយអ្នកចាំទីអង់គ្លេសរូបនេះត្រូវបានគេព្យាករណ៍ថាជាអនាគតអ្នកចាំទីដៃទីមួយនៅកីឡដ្ឋាន Old Trafford។

កីឡាករ Dean Henderson

ក្រឡេកមកមើល De Gea ឯណេះវិញ ក្លិបសេះបង្កង់ Juventus និងក្លិបអ្នកមាននៅបារាំង Paris Saint-Germain សុទ្ធតែចាប់អារម្មណ៍ចង់បានរូបគេ តាំងពីទីផ្សាររដូវក្ដៅឆ្នាំមុន។

គួរឲ្យដឹងផងដែរថា ក្រោយផ្លាស់មកចូលរួមជាមួយ Man UTD កាលពីខែកក្កដា ឆ្នាំ២០១១ អតីតអ្នកចាំទីរបស់ At.Madrid រូបនេះ បង្ហាញខ្លួនលើវាលស្មៅបាន៣៩២ប្រកួត និងបិទមិនឲ្យដៃគូទាត់បញ្ចូលទី (Clean Sheets) ចំនួន ១៣៧ប្រកួត៕

កីឡាករ David de Gea

ប្រភព​​​៖ SportsMole

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ