អ៊ីរ៉ាក់៖ ប្រទេសអ៊ីរ៉ាក់បានរាយការណ៍នៅថ្ងៃព្រហស្បតិ៍នេះថា ខ្លួនបានរកឃើញករណីអ្នកជំងឺឆ្លងវីរុសកូរ៉ូណាដំបូងនៅក្នុងទីក្រុងបាដាដ ដែលនាំឱ្យចំនួនអ្នកឆ្លងវីរុសកូរ៉ូណាសរុបបានកើនឡើងដល់ ៦ នាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្រសួងសុខាភិបាលរបស់ប្រទេសអ៊ីរ៉ាក់បាននិយាយនៅក្នុងសេចក្តីថ្លែងការណ៍ថា បុរសម្នាក់បានឆ្លងវីរុសកូរ៉ូណាបន្ទាប់ពីគាត់បានធ្វើដំណើរទៅកាន់ប្រទេសអ៊ីរ៉ង់។ ក្រសួងសុខាភិបាលបានបញ្ជាក់ទៀតថា អ្នកជំងឺនៅមានសុខភាពល្អនៅឡើយទេ ហើយឥឡូវនេះគាត់កំពុងទទួលការព្យាបាលនៅក្នុងមន្ទីរពេទ្យមួយកន្លែងក្នុងបាកដាដ។
គួររម្លឹកផងដែរថា កាលពីថ្ងៃពុធអាជ្ញាធររបស់ប្រទេសអ៊ីរ៉ាក់បានហាមឃាត់ពលរដ្ឋខ្លួនមិនឱ្យមានការជួបជុំនៅទីសាធារណៈ ហើយអាជ្ញាធរក៏បានហាមឃាត់ការធ្វើដំណើរទៅឬមកពីប្រទេសចំនួន ៩ ផ្សេងទៀត ដែលរួមបញ្ចូលទាំងប្រទេសគុយវ៉ែតនិងប្រទេសបារ៉ែន ដោយសារខ្លាចការរីករាលដាលនៃវីរុសកូរ៉ូណា៕
Bong I.T