កូនខ្ចីមិនទាន់! ទីបំផុត ឱក សុគន្ធកញ្ញា ត្រឡប់មកវិញ ជាមួយបទថ្មី យ៉ាងពីរោះខ្លាំង (មានវីដេអូ)

ភ្នំពេញ៖ ប្រិយមិត្តប្រាកដជាស្គាល់តារាចម្រៀងស្រី អ្នកនាង ឱក សុគន្ធកញ្ញា ដែលនាងជាកំពូលតារាចម្រៀងស្រីលំដាប់ប្រទេសមួយរូប ដែលមានឈ្មោះល្បីល្បាញយ៉ាងខ្លាំង ហើយក៏មានមហាជន ក៏ដូចជាមានហ្វេនៗជាច្រើនចូលចិត្តនឹងគាំទ្រដល់រូបនាង ទោះបច្ចុប្បន្ននាងមានវ័យកាន់តែជ្រេបែបណា។

មួយវិញទៀត នាងបានសម្រេចចិត្តបញ្ចប់ភាពនៅលីវចូលរោងការកាលពីឆ្នាំកន្លងទៅ ដោយពេលនេះ នាងក៏ទទួលបានកូនប្រុសម្នាក់ដ៏ឃ្យូត និងគួរឲ្យស្រលាញ់ខ្លាំងទុកជាចំណងដៃផងដែរ។ មិនត្រឹមតែប៉ុណ្ណោះបន្ទាប់ពីរៀបការរួច ឃើញថាជីវិតគ្រួសាររបស់នាង កាន់តែមានសុភមង្គលខ្លាំងពីមួយថ្ងៃទៅមួយថ្ងៃ ស្របពេលដែលមានស្វាមីយល់ចិត្ត ទោះបីរវល់នឹងកិច្ចការងារយ៉ាងណា ក៏ឆ្លៀតពេលមកមើលកូនជំនួសនាងគ្រប់ពេល។

ជាក់ស្ដែង ក្រោយពីសម្រាកពីសិល្បៈដើម្បីសម្រាលកូន អស់រយៈពេលជាយូរ ពេលនេះ ឱក សុគន្ធកញ្ញា ត្រឡប់មកធ្វើការងារសិល្បៈវិញហើយ និងបានចេញនូវបទចម្រៀងមួយបទ ជាកាដូថ្មី ដល់ហ្វេនៗ​ដែលខំទន្ទឹងរង់ចាំអស់រយៈពេលជាយូរផងដែរ។

ហើយបទចម្រៀងនោះមានចំណងជើងថា «កូនយំល្វើយៗ» ជាបទចម្រៀងបែបរាំលេងសប្បាយនារដូវកាលចូលឆ្នាំខាងមុខនេះ ហើយអត្ថន័យនិងសាច់ភ្លេងនៃបទចម្រៀងគឺពិតជាពីរោះខ្លាំង ធ្វើឲ្យហ្វេនៗលាន់មាត់ថា ពិតជាមិនខកបំណងទេដែលខំរង់ចាំជាយូរ៕

ចង់ជ្រាបច្បាស់ទស្សនាវីដេអូខាងក្រោម៖