អុញនោះ ! អ្នកគាំទ្រក្រុម Valencia សង្ស័យមានជំងឺ Covid-19 បន្ទាប់ពីទៅមើលបាល់នៅទីក្រុង Milan ប្រទេសអ៊ីតាលី

អ្នកគាំទ្រក្លឹប Valencia ដែលបានត្រលប់ពីទស្សនាការប្រកួតចាញ់ក្រុម Atalanta ៤ទល់នឹង១ ក្នុងទីក្រុង Milan ប្រទេសអ៊ីតាលី បានសង្ស័យថាខ្លួនមានរោគសញ្ញាវីរុស Covid-19 ។

បន្ទាប់ពីត្រលប់ពីទស្សនាការប្រកួតកាលពីថ្ងៃពុធកន្លងទៅ អ្នកគាំទ្រ៣នាក់បានទាក់ទងទៅកាន់លេខ ១១២ (លេខទំនាក់ទំនងសុខភាពក្នុងប្រទេសអេស្ប៉ាញ) ដើម្បីអះអាងថាពួកគេកំពុងមានរោគសញ្ញាវីរុស Covid-19 ។ គេមិនទាន់ដឹងទេថា តើវីរុសអាចធ្វើតេស្តឃើញបានឆាប់ឬយ៉ាងណានោះទេ ប៉ុន្តែការប្រុងប្រយ័ត្នត្រូវបានអនុវត្តនៅក្នុងប្រទេសអេស្ប៉ាញ​ដើម្បីធានាថាមនុស្សទាំងបីនាក់ត្រូវបានធ្វើតេស្ត និងវាយតម្លៃឱ្យបានឆាប់តាមដែលអាចធ្វើទៅបាន។

អ្នកស្រី Hermelinda Vanaclocha ប្រធានក្រសួងសុខាភិបាល នៅ Valencia បានថ្លែងថា ៖ "ពួកគេកំពុងត្រូវបានធ្វើការវាយតម្លៃ ប៉ុន្តែយើងមិនអាចកំណត់លើករណីដែលកំពុងតែសិក្សានេះបានទេ។ ខ្ញុំគិតថានឹងមានមនុស្ស ៣ ឬ ៤ នាក់ ប៉ុន្តែនេះមិនមែនមានន័យថា យើងចាត់ទុកថាពួកគេមានវីរុស Covid-19 នោះទេ។"៕

ប្រភព៖ Marca