ភ្នំពេញ៖ តារាចម្រៀងកំពុងទទួលបានការគាំទ្រពីទស្សនិកជន លោក ជ័យ សុវ៉ាត ធ្លាប់បានធ្វើឲ្យអ្នកគាំទ្រពេញចិត្តខ្លាំងនឹងបទចម្រៀង «ស្រលាញ់អូនដល់កាន់ឈើច្រត់»។ តារាចម្រៀងរូបនេះ កំពុងទាក់ទាញការចាប់អារម្មណ៍បន្ថែមពីអ្នកគាំទ្រ ក្រោយពីលោកបានបញ្ចេញបទថ្មី «ស្រលាញ់អូនដល់កាន់ឈើជ្រុង»

ជ័យ សុវ៉ាត

ចេញបទចម្រៀងថ្មីជាផ្លូវការមិនបាន១សប្តាហ៍ផង បទ «ស្រលាញ់អូនដល់កាន់ឈើជ្រុង» របស់លោក ជ័យ សុវ៉ាត មានអ្នកចូលទស្សនាប្រមាណជិតកន្លះលានដងរួចទៅហើយ ដែលសន្ទុះនេះមិនចាញ់បទ «ស្រលាញ់អូនដល់កាន់ឈើច្រត់» នោះទេ។ តារាប្រុសរូបនេះបញ្ជាក់ថា ជារសជាតិថ្មីក្នុងអត្ថន័យស្នេហាបែបកំប្លុកកំប្លែង និងដើម្បីបំពេញចិត្តអ្នកគាំទ្រ បើទោះបីជាចំណងជើងបទចម្រៀង គឺជាការនិយាយលេងសើចកន្លងមក ប៉ុន្តែពេលនេះចេញបទចម្រៀងជាផ្លូវការហើយ។ លោកបញ្ជាក់ថា បទចម្រៀងចង្វាក់ឡាំលាវនេះ មានលាយឡំនិងឈុតឆាកបែបកំប្លែងៗ ដើម្បីបង្កើតរសជាតិថ្មីប្លែក ស្របតាមអត្ថន័យនៃបទចម្រៀង។ លោកពេញចិត្តជាខ្លាំង ក្រោយពីបទចម្រៀងមួយនេះទទួលបានការគាំទ្រច្រើន មិនចាញ់បទចាស់។

រូបភាពនៅក្នុងបទ «ស្រលាញ់អូនដល់កាន់ឈើជ្រុង» 

តារាចម្រៀងរូបនេះបង្ហើបថា លោកនឹងមានបទចម្រៀងថ្មីៗបន្ថែមទៀត សម្រាប់បម្រើការកម្សាន្តរបស់ទស្សនិកជន ពិសេសបទចម្រៀងសម្រាប់ចូលរួមអបអរសាទរ ឱកាសចូលឆ្នាំថ្មីប្រពៃណីជាតិខ្មែរខាងមុខ។ លោករំពឹងថា នឹងទទួលបានការគាំទ្រកាន់តែច្រើនពីទស្សនិកជន។

គួរបញ្ជាក់ដែរថា ក្រោយពីហក់ចូលប្រឡូកក្នុងផលិតកម្មសាន់ដេ តារាចម្រៀង ជ័យ សុវ៉ាត ទទួលបានការពេញចិត្តច្រើនពីទស្សនិកជន ទាំងបទចម្រៀងមនោសញ្ចេតនា បទចម្រៀងចង្វាក់ប្រជាប្រិយ និងបទញាក់កន្ត្រាក់អារម្មណ៍។ បទចម្រៀងរបស់តារារូបនេះ ត្រូវបានគេលើកយកទៅច្រៀង និងចាក់ស្តាប់កម្សាន្តជាហូរហែ៕

ចង់ជ្រាបកាន់តែច្បាស់ សូមទស្សនារូបភាព និងវីដេអូខាងក្រោម៖ 

ជ័យ សុវ៉ាត
ជ័យ សុវ៉ាត
ជ័យ សុវ៉ាត
រូបភាពនៅក្នុងបទ «ស្រលាញ់អូនដល់កាន់ឈើជ្រុង»
រូបភាពនៅក្នុងបទ «ស្រលាញ់អូនដល់កាន់ឈើជ្រុង» 
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ

ជ័យ សុវ៉ាត