ហេតុតែខ្ចិលចុះទៅលេងជាមួយកូន ម្ដាយចងខ្សែពួរពីទោងជាន់ក្រោម រហូតដល់ជាន់ទី៤ ហើយអង្គុយក្បែរមាត់បង្អួច ទាញទោងឲ្យកូនជិះ (មានវីដេអូ)

រុស្ស៊ី៖ កាលពីថ្ងៃទី២១ ខែកុម្ភៈកន្លងទៅនេះ ស្ត្រីជាម្ដាយម្នាក់ មិនស្គាល់អត្តសញ្ញាណ រស់នៅក្នុងទីក្រុង Belgorod បានប្រើវិធីមួយដែលអាណាព្យាបាលដទៃទៀតនឹកស្មានមិនដល់ក្នុងការលេងជាមួយកូន។

យោងតាមវីដេអូដែលថតឡើងដោយអ្នកជិតខាងម្នាក់ បង្ហាញឲ្យឃើញថា ស្ត្រីជាម្ដាយបានអនុញ្ញាតឲ្យកូនចុះទៅជិះទោងលេងតែម្នាក់ឯង នៅបរិវេណសួនច្បារមួយក្បែរផ្ទះ។ ហើយគាត់បានយកខ្សែពួរទៅចងភ្ជាប់នឹងទោង រហូតដល់ជាន់ទី៤នៃផ្ទះរបស់ខ្លួន និងអង្គុយទាញចុះទាញឡើង នៅក្បែរមាត់បង្អួច ដើម្បីយោលទោងឲ្យកូនជិះលេង។

ជុំវិញវីដេអូខាងលើនេះ ត្រូវបានយកទៅបង្ហោះនៅលើបណ្ដាញសង្គម ដោយទទួលបានការចាប់អារម្មណ៍ជាខ្លាំង ហើយក៏ធ្វើឲ្យមហាជនមួយចំនួនហួសចិត្តផងដែរ៕

សូមទស្សនារូបភាពនិងវីដេអូខាងក្រោម៖