អង់គ្លេស៖ អ្នកចាត់ការទូទៅក្រុមហង្សក្រហម Liverpool លោក Jurgen Klopp សារភាពថា Liverpool នៅតែអាចបាត់បង់កីឡាករឆ្នើមមួយចំនួនរបស់ពួកគេ ប្រសិនបើក្លិបយក្សអេស្ប៉ាញ Real Madrid និង Barcelona ទាក់ទងមកនៅទីផ្សារដោះដូរកីឡាករ ជាពិសេសកីឡាករមកពីតំបន់អាមេរិកឡាទីន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡដ្ឋាន Anfield ត្រូវបានគេចាត់ទុកថា ជាគោលដៅកំពូលរបស់កីឡាករគ្រប់រូប ក្នុងការមកសាងភាពល្បីល្បាញនិងភាពជោគជ័យរបស់ខ្លួន។ ជាក់ស្ដែងបច្ចុប្បន្នក្រុមហង្សក្រហមជាក្រុមដែលមានភាពលេចធ្លោនៅតំបន់អឺរ៉ុប បន្ទាប់ពីឈ្នះពានរង្វាន់ Champions League រដូវកាលមុន។ មិនត្រឹមតែប៉ុណ្ណោះក្នុងរដូវកាលនេះ ពួកគេកំពុងបន្តភាពខ្លាំងរបស់ខ្លួន ដោយជាក្រុមកំពូលតារាងប្រចាំលីគកំពូលអង់គ្លេស Premier League ថែមទៀតផង។
ប៉ុន្តែទោះជាយ៉ាងណា គ្រូបង្គោលក្រុម Liverpool លោក Klopp នៅតែគិតថា ក្រុមលោកនៅមិនទាន់មានឈ្មោះល្បីល្បាញគ្រប់គ្រាន់ស្មើនឹងក្លិប Real Madrid និង Barcelona នៅឡើយទេ។
គ្រូបង្វឹកសញ្ជាតិអាល្លឺម៉ង់បាននិយាយយ៉ាងដូច្នេះថា៖
គួររម្លឹកផងដែរថា អតីតកីឡាករឆ្នើមៗរបស់ Liverpool មួយចំនួនដែលមានដើមកំណើតពីតំបន់អាមេរិកឡាទីន ហើយធ្លាប់បាត់បង់ទៅឲ្យក្រុមយក្សអេស្ប៉ាញ Barcelona រួមមាន កីឡាករ Luis Suarez, Coutinho, និងខ្សែការពារ Javier Mascherano ៕
ប្រភព៖ AF