បរទេស៖ អង្គការសុខភាពពិភពលោក WHO បានព្រមានថា ឱកាសក្នុងការទប់ស្កាត់ការឆ្លងរាលដាលនៃវីរុសកូរ៉ូណាកំពុងតែមានតិចទៅៗ ដោយសារតែករណីឆ្លងនៃវីរុសដ៏កាចសាហាវនេះ គឺកំពុងតែកើនឡើងពីមួយថ្ងៃទៅមួយថ្ងៃនៅខាងក្រៅប្រទេសចិន ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
វីរុសកូរ៉ូណាត្រូវបានគេជឿជាក់ថា វាបានកើតឡើងដំបូងបង្អស់នៅក្នុងទីក្រុងវូហានកាលពីចុងឆ្នាំ ២០១៩ ហើយបានបន្តសម្លាប់មនុស្សយ៉ាងហោចណាស់ ២,៥២៧ នាក់ និងឆ្លងដល់មនុស្សជាង ៧៩,៣៤៣ នាក់នៅជុំវិញពិភពលោក។
ប្រធានអង្គការសុខភាពពិភពលោក Tedros Adhanom Ghebreyesus បាននិយាយកាលពីថ្ងៃសុក្រថា៖
យើងនៅតែមានឱកាសក្នុងការទប់ស្កាត់ការរាលដាលនៃវីរុសកូរ៉ូណា ប៉ុន្តែឱកាសមួយនេះគឺកំពុងតែនៅសល់តិចៗហើយ។ លោកបានបន្ថែមថា ពួកយើងមិនគិតថយក្រោយ ហើយសោកស្តាយនូវអ្វីដែលយើងធ្វើមិនបានល្អ នៅពេលដែលយើងនៅមានឳកាសនោះទេ។
លោក Tedros Adhanom Ghebreyesus បាននិយាយទៀតថា៖
វីរុសកូរ៉ូណានេះអាចផ្ទុះឡើងគ្រប់ទិសទី ហើយប្រសិនបើយើងចាត់វិធានការណ៍បានត្រឹមត្រូវយើងនឹងអាចជៀសផុតពីវិបត្តិធ្ងន់ធ្ងរមួយនេះ។
ស្របពេលដែលអង្គការសុខភាពពិភពលោក បានចេញសារព្រមានទាក់ទងនឹងហានិភ័យក្នុងការទប់ស្កាត់នៃវីរុសកូរ៉ូណា ពេលនេះរដ្ឋាភិបាលក្នុងប្រទេសជាច្រើនទៀត ក៏បាននឹងកំពុងចាត់វិធានយ៉ាងតឹងរឹងតាមប្រទេសរបស់ខ្លួន ដើម្បីអាចដោះស្រាយពីឆ្លងរាលដាលនៃវីរុសដ៏កាចសាហានេះ៕
Bong I.T