ភ្នំពេញ៖ នៅពេលនេះ ពេលវេលាដ៏សែនរំភើបបំផុតរបស់ តារាសម្តែងស្រី ម៉ាក សែនសូនីតា កាន់តែខិតចូលមកដល់ ដែលនាងនឹងត្រៀម ជិតចូលរោងការជាមួយនឹងមិត្តប្រុស ជាទីស្រលាញ់ ក្នុងពេលឆាប់ៗខាងមុខនេះហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក មិនទាន់ទាំងបានចូលក្នុងគ្រួសារអនាគតស្វាមីបានស្រួលបួលផង ប៉ុន្តែម៉ាក សែនសូនីតា ក៏បានឆក់យកបេះដូងឪពុកម្តាយក្មេកបាត់ទៅហើយ ដោយជាក់ស្តែង ដូចជាកាលពីម្សិលមិញនេះ ម៉ាក សែនសូនីតា ក៏បានធ្វើបង្ហោះវីដេអូ Surprise កាដូមួយដល់ឪពុកម្តាយក្មេករបស់នាង រហូតធ្វើឲ្យពួកគាត់ញញឹមបិទមាត់មិនជិត។
ជាការពិតណាស់ តូតា បានពញ្ញាក់អារម្មណ៍ឪពុកម្តាយក្មេកយ៉ាងអស់សំណើច ទម្រាំគាត់បើកឃើញកាដូពិតប្រាកដនៅក្នុងនោះ នាងបានជូនកាដូចិញ្ចៀនពេជ្រដ៏ធំសម្រាប់ឪពុកក្មេក និងឈុតក្រវិលអមជាមួយនឹងចិញ្ចៀនពេជ្រដ៏ធំ សម្រាប់ម្តាយក្មេកផងដែរ។
យ៉ាងណាមិញ ក្រោយពីមើលវីដេអូខាងក្រោមនេះ បានធ្វើឲ្យគ្រប់គ្នាផ្ទុះសំណើច ចំពោះភាពក្រមិចក្រមើមរបស់ តូតា ជាមួយនឹងឪពុកម្តាយក្មេក និងមើលទៅពួកគាត់ពិតជាស្រលាញ់និងចូលចិត្តនាងណាស់៕