នូវែលសេឡង់៖ លោក Nick Minogue ប្រើកណ្តាប់ដៃរបស់គាត់ដើម្បីទប់ទល់នឹងត្រីឆ្លាមពណ៌សដ៏អស្ចារ្យមួយដែលបានវាយប្រហារគាត់នៅពេលគាត់កំពុងជិះទូកលេងនៅនូវែលសេឡង់។ លោក Minogue ត្រូវបានត្រីឆ្លាមខាំកាលពីថ្ងៃសៅរ៍នៅឯឆ្នេរ Pauanui ក្នុងតំបន់ Coromandel។ គាត់បានប្រាប់ NZ Herald ថា“ ដំបូងឡើយខ្ញុំបានលេងធម្មតាស្រាប់តែដូចមានគេរុញហើយបុកនៅលើកែងដៃ និងកំភួនដៃរបស់ខ្ញុំ។ នៅពេលខ្ញុំដឹងថាមានអ្វីកើតឡើង ធ្មេញរបស់វាបានខាំជាប់នឹងផ្នែកខាងមុខនៃក្តាររួចបាត់ទៅហើយ។"
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Minogue អាយុ ៦០ ឆ្នាំបាននិយាយថា គាត់បានឮថាត្រីឆ្លាមមិនចូលចិត្តឲ្យគេដាល់ច្រមុះឬភ្នែកវាទេ។ "ដូច្នេះខ្ញុំពិតជាស្រែកថា“ ចេញឲ្យឆ្ងាយ!! ហើយស្ទុះទៅដាល់វាចំកណ្តាលភ្នែកតែម្តង។ បន្ទាប់មកខ្ញុំទាញកណ្តាប់ដៃខ្ញុំមកវិញហើយស្រែកថាម្តងទៀតថា“ចេញឲ្យឆ្ងាយ!! ភ្នែកវាធំគួរសមដែរ ប្រហែលវាយបីដៃចំៗ ហើយភ្នែករបស់វាក៏ចាប់ផ្តើមមើលក្រឡាប់ចុះក្រឡាប់ឡើង។”
"ខណៈពេលដែលវាយពីរកណ្តាប់ដៃហើយវាវាងទន់ទៅលើទូកក្តារ ហើយខ្ញុំក៏ចាប់ញែកធ្មេញ ទាញថ្គាមវាចេញ បន្ទាប់មកវាក៏វាត់ព្រុយនិងចុងកន្ទុយមកខ្ញុំហើយហែលចេញទៅ។" លោក Minogue បាននិយាយថាគាត់នៅម្នាក់ឯងក្នុងទឹកដាច់ឆ្ងាយពីអ្នកទេសចរជនជាតិអាល្លឺម៉ង់ដែលនៅជិតច្រាំងហើយបានឮគាត់ស្រែក អ្នកទាំងពីរនោះក៏ប្រញាប់រុញទូកក្តារចេញពីទឹកយ៉ាងលឿនតាមដែលពួកគេធ្វើបាន។
លោក Minogue បាននិយាយថា "វាគឺជាត្រីឆ្លាមពណ៌ប្រផេះដែលមានបាតពណ៌ស ប្រហែលជាត្រីឆ្លាមដែលឥតខ្ចោះហើយមើលទៅ ហើយវាមានក្បាលនិងថ្គាមធំ។ ខ្ញុំអង្គុយទាំងភាពតក់ស្លុតហើយក៏សម្រេចចិត្តវាយវាទៅ ព្រោះនោះគឺជាជម្រើសតែមួយគត់ដែលត្រូវធ្វើ។" លោក Minogue បាននិយាយថា "មានឈាមហូរចេញពីដៃអាវរបស់ខ្ញុំ។ សំណាងហើយវាមិនមុតជ្រៅពេកនោះ។ ធ្មេញវាពីរគ្រាប់បានខាំចំអាវហែលទឹករបស់ខ្ញុំ ប៉ុន្តែសំណាងល្អវាខាំត្រូវតែមួយ”៕
ប្រភព៖ Sky News
Bong I.T