ចាញ់ហើយកូនឈឺទៀត! កីឡាករសំខាន់ Real Madrid ម្នាក់របួសសារជាថ្មី ខណៈប្រកួតបន្ទាប់សុទ្ធតែជាប្រកួតសំខាន់

Real Madrid ក្រោយពីទទួលបានលទ្ធផលមិនគាប់ប្រសើរក្នុងការប្រកួតទល់នឹង Levante ដោយបានចាញ់ក្នុងលទ្ធផល១ទល់នឹង០ ថែមទាំងធ្លាក់មកឈលេខ២កំពូលតារាង La Liga ផងដែរ។ មិនតែប៉ុណ្ណោះបើតាមប្រភពច្បាស់ការពី Real Madrid បានឲ្យដឹងថាកីឡាករសំខាន់ Eden Hazard ត្រូវបានរងរបួសមិនអាចចូលប្រកួតជួយក្រុមបានឡើយ ខណៈប្រកួតបន្ទាប់សុទ្ធតែជាប្រកួតសំខាន់ ។

ក្លឹប Real Madrid បានប្រកាស់ជាផ្លូវការហើយថា Eden Hazard អាចនឹងត្រូវសម្រាកព្យាបាលរហូតដល់២ខែ ដែលនឹងធ្វើឲ្យ Real Madrid ត្រូវបាត់បង់កម្លាំងសំខាន់ក្នុងការជួយក្រុមក្នុងជំនួបទល់នឹង Man City នៅ Champion League ទាំង២ជើង ក៏ដូចជាព្រឹត្តិការណ៍ El Clasico ខាងមុខនេះផងដែរ ៕

គួរបញ្ជាក់ផងដែរថា Hazard បានរបួសក្នុងជំនួបទល់នឹង Levante ដោយបានផ្តូរចេញនៅតង់ទី២ ខណៈដែលកីឡាកររូបនេះទើបតែបានបង្ហាញខ្លួនបាន២ដងប៉ុណ្ណោះបន្ទាប់ពីសម្រាកព្យាបាលអស់២ខែកន្លងទៅ ៕

ប្រភព៖ allfootball