អេស្ប៉ាញ ៖ គ្រូធំ Real Madrid លោក Zinedine Zidane បានបញ្ជេញបញ្ជីកីឡាករផ្លូវការ ទាំង១៩នាក់របស់ខ្លួន សម្រាប់ត្រៀមប៉ះនឹងក្លឹប Levante នារាត្រីនេះ ខណៈដែលកីឡាករសំខាន់ៗមួយចំនួនមិនមានវត្តមានឡើយ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះកីឡាករសញ្ជាតិវេល Gareth Bale ត្រូវអវត្តមានជាថ្មីក្នុងបញ្ជីកីឡាកររបស់ Zidane ដោយសារតែកីឡារូបនេះមានបញ្ហាសុខភាព ។ ជាមួយគ្នានោះដែរ កីឡារវ័យក្មេងសញ្ជាតិប្រេស៊ីល Rodrygo ក៏ត្រូវខកខានក្នុងការបញ្ចេញថ្វៃជើងផងដែរក្នុងការប្រកួតរាត្រីនេះ ។
ចំណែកក្នុងតំបន់ប្រយុទ្ធក៏សង្កេតឃើញថាមិនមានវត្តមានខ្សែប្រយុទ្ធ Luka Jovic និង Brahim Díaz ដែរ ដោយបញ្ហារបួស ។ Marco Asensio នៅតែមិនទាន់អាចចូលទីលានបាន បើទោះជាស្ថានភាពរបួសបានធូរស្រាលច្រើនក៏ដោយ ខណៈដែល Eden Hazard អាចចូលលេងធម្មតាបានហើយ ។
ខាងក្រោមជាតារាងបញ្ជីកីឡាករទាំង ១៩ រូបត្រៀមប៉ះ Levante រាត្រីនេះ ៖
- អ្នកចាំទី : Courtois, Areola, Altube
- ខ្សែការពារ ៈ Carvajal, Militão, Ramos, Varane, Marcelo, Mendy
- ខ្សែបម្រើ : Kroos, Modric, Casemiro, Valverde, James, Isco
- ខ្សែប្រយុទ្ធ : Hazard, Benzema, Vázquez, Vinicius ។
គួរបញ្ជាក់ផងដែរថា Real Madrid នឹងត្រូវប្រកួតនៅទឹកដី Levante នារាត្រីនេះ ដែលការប្រកួតនឹងចាប់ផ្តើមនៅម៉ោង 3:00 រំលងអាធ្រាត ៕
ប្រភព៖ AS