ខ្សែប្រយុទ្ធឆ្នើមជម្រើសជាតិបារាំង ១រូប ចង់មកលេងនៅ Man Utd

ខ្សែប្រយុទ្ធឆ្នើម Moussa Dembele កំពុងលេងឱ្យ Olympique Lyon រូបនេះ ហាក់មានចេតនាចង់ចូលរួមជាមួយ Manchester United នារដូវកាលក្រោយ បើតាមការឱ្យដឹងពី Sky Sport។

ជម្រើសជាតិបារាំងវ័យ ២៣ឆ្នាំរូបនេះ មានតម្លៃកើនឡើងខ្លាំងដល់ទៅ ៨៤លានផោន (ប្រមាណ១០៨លានដុល្លារ) ប៉ុន្តែអាចនឹងទទួលបានតម្លៃថោកជាងនេះ ប្រសិនបើរូបគេនៅតែជំរុញឱ្យមានការចាកចេញពីក្លឹបនាទីផ្សារដោះដូរកីឡាករបើនាខែកក្កដានេះ។

ក្លឹបបិសាចក្រហមក៏ចង់បានខ្សែប្រយុទ្ធមុតស្រួចថ្មីម្នាក់មកចូលរួមផងដែរមុនបញ្ចប់រដូវកាលនេះ ខណៈដែល Moussa Dembele ក៏ស្ថិតក្នុងបញ្ជីទិញរបស់ក្លឹបដូចគ្នា។

កីឡាករកូនកាត់ ម៉ាលី តែលេងឱ្យជម្រើសជាតិបារាំងតាំងពីឈុត U-16 រហូតដល់ U-21 រូបនេះ រកបាន ១៩គ្រាប់ និងបញ្ជូនបាល់បាន ៦ដង ក្នុង ៣៧ប្រកួតឱ្យ Lyon នារដូវកាលនេះ បានផ្ទេរពីក្លឹប Celtic របស់ស្កុតឡែន កាលពីឆ្នាំ២០១៨ ក្នុងតម្លៃត្រឹម ២០លានផោនប៉ុណ្ណោះ៕

ប្រភព៖ Sky Sport