គ្នីគ្នារបស់ក្រុមជនអន្ធពាល Loan Shark ធំជាងគេបង្អស់នៅក្នុងប្រទេសវៀតណាមត្រូវសមត្ថកិច្ចកំណត់ឲ្យជាប់ពន្ធនាគាររយៈពេល ៩៩ ឆ្នាំក្នុងការជំនុំជម្រះជាលើកដំបូងនៅក្នុងខេត្ត Thanh Hóa កាលពីថ្ងៃអង្គារ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអាជ្ញាធរខេត្ត Thanh Hóa បានកាត់ទោសដាក់ពន្ធនាគារសរុបចំនួន ៩៩ ឆ្នាំដល់ជនពាក់ព័ន្ធ ២១ នាក់ដែលពាក់ព័ន្ធនឹងករណីប្លន់ ហើយក៏ត្រូវគេស្គាល់ថាជាសមាជិកក្រុមជនអន្ធពាល Loan Shark ធំជាងគេបង្អស់នៅវៀតណាមផងដែរ។
ជនទាំងនេះ ត្រូវបានគេចាត់ទុកថាជាក្រុមចោរធំជាងគេដែលត្រូវបានគេហៅថា“ ឥណទានខ្មៅ” ដឹកនាំដោយ Nguyễn Đức Thành ដែលតែងតែឲ្យគេខ្ចីប្រាក់ហើយទាមទារសំណងត្រឡប់មកវិញដោយជំរិតតែម្តងប្រៀបដូចមេចោរ (អ្នករងគ្រោះហៅថា ចោរស្របច្បាប់)។
ក្នុងការជំនុំជម្រះជាលើកដំបូងកាលពីថ្ងៃអង្គារលោក Thành ត្រូវគេដាក់ពន្ធនាគារ ១០ ឆ្នាំ ៦ ខែដោយសារតួនាទីរបស់គាត់ជាមេចោរក្នុងប្រតិបត្តិការនេះ។
Ngô Văn Chương ដែលជាសមាជិកក្រុមអន្ធពាលត្រូវបានផ្តន្ទាទោសឱ្យជាប់ពន្ធនាគារ ១៦ ឆ្នាំហើយជនជាប់ចោទដែលនៅសេសសល់ត្រូវបានផ្តន្ទាទោសដាក់ពន្ធនាគារពី ១៨ ខែដល់ ១០ ឆ្នាំពីបទចោទប្រកាន់ក្នុងករណីដូចគ្នា។
កាលពីខែកក្កដាឆ្នាំ ២០១៧ Thành and Nguyễn Cao Thắng បានបង្កើតក្រុមហ៊ុនមួយដោយគ្មានអាជ្ញាប័ណ្ណ ដែលមានឈ្មោះថាក្រុមហ៊ុនណាំឡុងហ្វាយនែន។
ក្រុមហ៊ុននេះមានទីតាំងនៅសង្កាត់លេខ ១ ក្នុងទីក្រុងហូជីមិញ និងដឹកនាំដោយមេឈ្មោះ Thành។
ចាប់ពីចុងឆ្នាំ ២០១៧ ដល់ខែមិថុនាឆ្នាំ ២០១៨ លោក Thành និងសមាជិកក្រុមអន្ធពាលទាំងនោះបានផ្តល់កម្ចីដល់ប្រជាជនប្រមាណ ៩៥ នាក់ដែលមានប្រាក់កម្ចីសរុបចំនួនជាង ៣២ ពាន់លានដុង។ ពួកគេរកប្រាក់បាន ៨.៦ ពាន់លានពីកិច្ចព្រមព្រៀងនេះ។
នៅឯតុលាការ Thành និងបក្សពួកក៏ត្រូវបានកាត់ទោសពីបទបង្ករបួសស្នាម និងឃុំខ្លួនមនុស្សដោយខុសច្បាប់។
នៅថ្ងៃទី ៩ ខែកក្កដាឆ្នាំ ២០១៨ លោក Thành បានដឹកនាំបុគ្គលិកក្រុមហ៊ុនរបស់លោកឱ្យវាយលោក Nguyễn Văn Minh ដែលជាអ្នកប្រមូលប្រាក់បំណុលក្រុមហ៊ុន ដោយសារតែដែលគាត់ជិះម៉ូតូរបស់ក្រុមហ៊ុនប្រមូលប្រាក់ចំនួន ១៦.៥ លានដុងហើយបន្ទាប់មកក៏បានរត់គេចខ្លួន។
ពេលនោះMinh ត្រូវបានឃុំខ្លួនដោយខុសច្បាប់អស់រយៈពេល ១០ ថ្ងៃ។
ក្រោយមកMinh បានទទួលមរណភាពបន្ទាប់ពីសម្រាកព្យាបាលនៅមន្ទីរពេទ្យដោយសារមានរបួសធ្ងន់ធ្ងរពេកមិនអាចជួយសង្គ្រោះបាន។
បន្ទាប់ពីការពិចារណាលើកម្រិតទោសដ៏ច្រើនសន្ធឹករបស់ពួកគេ គ្នីគ្នារបស់ក្រុមជនអន្ធពាល Loan Shark ធំជាងគេនៅវៀតណាមខាងលើ ត្រូវសមត្ថកិច្ចកំណត់ឲ្យជាប់ពន្ធនាគារសរុបរយៈពេល ៩៩ ឆ្នាំ គិតត្រឹមការជំនុំជម្រះជាលើកដំបូងនៅក្នុងខេត្ត Thanh Hóa កាលពីថ្ងៃ១៨ កុម្ភៈកន្លងទៅ៕