ក្លិបណាទៅ? Morata បង្ហាញអារម្មណ៍ភ័យខ្លាច មិនប្រាថ្នាចង់ជួបក្លិបមួយនេះនៅ UCL

អេស្ប៉ាញ៖ ខ្សែប្រយុទ្ធក្រុម​ Atlectico Madrid កីឡាករ Alvaro Morata បាននិយាយថា Juventus ជាក្លិបមួយក្នុងចំណោមក្លិបផ្សេងទៀតដែលមានភាពលេចធ្លោនៅ Champions League ហើយសង្ឃឹមថា នឹងអាចចៀសផុតពីក្រុមយក្សអ៊ីតាលីនេះ ប្រសិនបើ At Madrid អាចឆ្លងទៅវគ្គបន្ទាប់បាន។

កាលពីវគ្គចែកពូល At Madrid និង Juventus ស្ថិតក្នុងពូល D ជាមួយគ្នា ខណៈក្រុមសេះបង្កង់ជាក្រុមមួយខ្លាំងប្រចាំពូល មុនពេលឡើងមកលេងវគ្គ១៦ក្រុម។ ក្រុមជើងឯក Serie A មួយនេះ បានបញ្ចប់ចំណាត់ថ្នាក់កំពូលតារាងក្នុងពូល D ខណៈក្រុមរបស់ Morata ឈរត្រឹមចំណាត់ថ្នាក់លេខ២។

បន្ថែមពីនេះទៅទៀត មូលហេតុដែល Morata មិនចង់ជួបក្លិបយក្សអ៊ីតាលី ទំនងមកពីរូបគេជាអតីតកីឡាករក្រុម Juventus ណាមួយខ្សែប្រយុទ្ធ Cristiano Ronaldo ជាពេជ្ឈឃាដស៊ុត Hat-Trick ជួយក្រុមសេះបង្កង់ ទម្លាក់ At Madrid កាលពីឆ្នាំមុនក្នុងវគ្គ១៦ក្រុមទៀតផង។

Morota បាននិយាយប្រាប់កាសែត Skysports អ៊ីតាលីយ៉ាងដូច្នេះថា៖

គួរឲ្យដឹងដែរ At Madrid នឹងប្រកួតជើងទី២ ជាមួយ Liverpool នៅថ្ងៃទី១១ ខែមីនាខាងមុខ ខណៈក្រុម Juventus នឹងធ្វើការប្រកួតជើងទី១ ទល់នឹងក្រុម Olympique Lyonnais នៅថ្ងៃពុធសប្ដាហ៍ក្រោយនេះ៕